प्रहरीले अबैध घरेलु मदिरा बनाउने भट्टी गर्याे नष्ट

आरके श्रीवास्तव । रौतहट । साउन १७ गते ।
रौतहट प्रहरीले अबैध घरेलुु मदिरा बनाउने भट्टी नष्ट गरेको छ । जिल्ला अन्तर्गत अबैध रुपमा संचालन रहेको घरेलु मदिरा उत्पादन तथा बिक्री वितरण नियन्त्रण गर्ने कार्य अन्तर्गत आईतवार जिल्ला प्रहरी कार्यालय, रौतहट र मातहत प्रहरी ईकाईहरुबाट संयुक्त रुपमा खटिएको प्रहरी गस्ती टोलीले जिल्ला रौतहट राजपुर नगरपालिका वडा नं.६ स्थितमा अबैध रुपमा संचालनमा रहेको घरेलु मदिरा बनाउने भट्टी ३ वटा फुटाएको हो । उक्त भट्टि बाट कच्चा पदार्थ अन्दाजी १,०००।– लि., तयारी मदिरा अं.५० लि. नष्ट र ड्रम–५ वटा सानो गैलन ६ वटा बरामद भएको प्रहरीले जनाएको हो । त्यस्तै जिल्ला रौतहट परोहा नगरपालिका वडा नं.४ स्थितमा घरेलु मदिरा बनाउने भट्टी–३ वटा फुटाई, कच्चा पदार्थ अं.२,०००।– लि., नष्ट गरी ड्रम–५ वटा बरामद गरेको सो भट्टीहरु को–कसको स्वामीत्वमा संचालनमा रहेको भन्ने बारेमा अनुसन्धान भईरहेको जिल्ला प्रहरी कार्यालय रौतहटले जनाएको हो ।