रमेश कुमार यादब
माघ ०१,रौतहट
रौतहटको कटहरिया नगरपालिकाले हिउँदे अधिवेशन आईतबार सम्पन्न गरेको छ । कटहरिया नगरपालिका वडा नम्बर ९ स्थित डुमरियामा एक कार्यक्रमको बिच नगर सभाको ९ औँ अधिवेश २०८० सम्पन्न गरेको हो । कटहरिया नगरपालिकाका बहुमत सदस्यहरुले अधिवेशन सम्पन्न गरेका छन् । आईतबार आयोजित ९ औं अबिधेशन सभालाई सम्बोधन गर्दै नगरप्रमुख अजय प्रकाश जैसवालले नगरपालिकाको कामकाज अगाडी बढाउने उदेश्यले आफूले हिउँदे अधिवेशनको आयोजन गरेको बताए । जनताले प्रदान गरेको मैनडेड अनुसार नै आफू अगाडी बढिरहेको बताए । उनले भने,कार्यपालिका बोर्डको सहमतीले नै कामहरु बढन सक्छ । सबै कार्यपालिका सदस्यहरुको अधिकार सामानरहेको बताए ।
जनताको सुख सुविधाको लागि आफू लडन तयार रहेको प्रष्ट पारे । अहिले जुन नगरपालिकालाइ बिथोल्ने काम भइरहेको छ ,त्यो गलत रहेको उनको भनाइ रहेको थियो नगरपालिकालाई बन्द गर्ने काम,सेवाग्राहीलाइ मर्कामा पर्नेगरी तालाबन्दी गर्नु गलत हो । जे पनि माग छ त्यो मागलाइ कार्यपालिका बोर्डमा आएर राख्न आन्दोलनरत पक्षलाइ आग्रह गरे । कार्यपालिका बोर्डको निर्णयलाई आफूू मान्न तयार रहेको प्रष्टपारे ।
यदि आफनो दायित्व,कर्तव्य जनताको प्रति इमान्दारी गरिरहेको छ भने कसैले पनि गलत भन्न नसक्ने ठोकुवा गरे । सत्यको लडाँइ लडन यथार्थसँग हिडन् सबैसँग आग्रह गरे । जनताको सुख सुविधा जसले रोक्न प्रयास गरिरहेको छ । त्यसको खुलेर विरोध गर्न आग्रह गरे । कटहरिया वडा नम्बर ३ का वडा अध्यक्ष श्यामाकान्त यादवले स्वागत मन्तव्य राख्दै बाध्यले नगरपालिकामा गर्नुपर्ने कार्यक्रम बाहिर गर्नुपरेको बताए ।
हिउँदे अधिवेशन गर्न अति नै जरुरी रहेकोले हामीले अधिवेशन आयोजन गरिएको उनको भनाइ रहेको थियो । त्यस्तै कार्यक्रमलाइ सम्बोधन गर्दै कार्यपालिका सदस्य मनोज जैसवालले जनताको सेवा सुविधा बन्द गरेर लडाइमा नलाग्न आग्रह गरे । उनले तालबन्दी खोलेर कार्यपालिका बैठकमा कुरा राख्न अनुरोध समेत गरे । त्यसैगरि वडा नम्बर ६ का वडा अध्यक्ष
जयराम चौधरीले आफनो व्यक्तिगत स्वार्थको लागि नगरपालिकामा तालाबन्दी गरेको कारण अन्तै हिउँदे अधिवेशन गर्नुु परेको बताए ।
कार्यक्रम सञ्चालन योजना शाखा प्रमुख रामनरेश यादवले गरेका थिए । कार्यक्रममा प्रमुख प्रशासकिय अधिकृत गौरीशंकर कुमार सिंहले पुस मसान्त भित्र हिउँदे अधिवेशन गर्नुपर्ने भएकोले कार्यक्रम गर्नुु परेको बताए । लिजामा बढि मार्क ल्याउन हिउँदे अधिवेशन गर्नुपरेको प्रशासकिय अधिकृत सिंहले बताएका थिए । जनप्रतिनिधीहरुले आपसी मतभेदले नगरपालिकामा हिउँदे अधिवेशन नगरि अन्तै गर्नुुपरेको बताए ।
हिउँदे अधिवेशन कार्यक्रममा प्रमुख प्रशासकिय अधिकृत गौरीशंकर कुमार सिंह,वडा नम्बर ८ का वडा अध्यक्ष समिश बिक्रम साह, वडा नम्बर ९ का वडा अध्यक्ष रुपेश यादव,कार्यपालिका सदस्य दिलिप जैसवाल सहित वडा सदस्यहरु,कार्यपालिका सदस्यहरुको सहभागिता रहेको थियो ।
यता आफूहरुको ८ बुँदे मांगलाइ सम्बोधन नगरी नगर सभा गर्न एकदम गलत रहेको वडा नम्बर ५ का वडा अध्यक्ष सर्फलाल गुप्ताले प्रतिक्रिया दिनुभएको हो । कटहरिया नगरपालिकाको उपप्रमुख रिता देवी यादव सहितका जनप्रतिनिधीहरु नगरपालिका कार्यालयमा तालाबन्दी गरि धर्नामा बसिरहेका छन् ।
