रेखा खोलामा शङ्कास्पद शव फेला परेपछि, दुई जनालाई पक्राउ

दमक, ०७ मंसिर। बिर्तामोड नगरपालिका–७ मियाबारीस्थित रेखा खोलामा शव फेला परेपछि प्रहरीले दुई जनालाई पक्राउ गर्दै अनुसन्धान सुरु गरेको छ ।

जिल्ला प्रहरी कार्यालय झापाका अनुसार एक व्यक्तिको शङ्कास्पद मृत्यु भएपछि अनुसन्धान सुरु गरिएको हो ।

जिल्ला प्रहरी कार्यालय झापाका प्रवक्ता खगेन्द्रबहादुर खड्काका अनुसार बिर्तामोड नगरपालिका वडा नं. ७ मियाबारीमा रेखाखोला नजिक सोही पालिकाको वडा नं. ६ बस्ने ५२ वर्षीय आनन्द चौधरीको शव शङ्कास्पद अवस्थामामा फेला परेको हो ।

शनिबार राति ११ बजे शव स्थानीयले देखेपछि प्रहरीलाई खबर गरेका थिए ।

परिवार तथा आफन्तले शव सनाखत गरेपछि पोष्टमार्टमका लागि कोशी प्रादेशिक अस्पताल भद्रपुर लगिएको छ ।

प्रवक्ता खड्काका अनुसार घटनाको विषयमा आवश्यक अनुसन्धान गर्ने क्रममा स्थानीय दुई जनालाई पक्राउ गरिएको छ ।

पक्राउ पर्नेमा ४८ वर्षीय पुरन चौधरी ३२ वर्षीय श्याम चौधरी  छन् ।