कृष्णभीरको सडक भासिएपछि प्राविधिक अध्ययन सुरु

काठमाडौ, १४ भदौ। सडक विभागले मुग्लिन-काठमाडौं सडकखण्डमा पर्ने कृष्णभिरमा भासिएको सडकको प्राविधिक अध्ययन थालेको छ ।

धादिङ बेनिघाट रोराङ गाउँपालिकामा पर्ने कृष्णभिरमा नदीले सडक कटान गर्दा भासिएको छ । विभागका महानिर्देशक डा. विजय जैसीका कारण आज प्राविधिक पुगेर त्यस क्षेत्रको अध्ययन गर्दैछन् । सोही टोलीले दिने सुझावका आधारमा सडक पुन: सुरु गर्न काम थालिने छ ।

नदी किनारमा लगाइएको पर्खाल कटानमा परेसँगै सडक भासिएको हो । जसले गर्दा अहिले मुग्लिन-काठमाडौं सडक पूर्णरूपमा अवरुद्ध छ ।

‘एक त आफैंमा यो जटिल भूगोल भएको क्षेत्र हो,’ उनले भने,  ‘त्यसमाथि नदीले तलबाट कटान गरिरहेका कारण जोखिम मूल्यांकनपछि हामी निर्णय लिन्छौं ।’