ट्रकले स्कुटरलाई ठक्कर दिँदा चालकको मृत्यु

काठमाडौं, ०१ भदौ। कैलालीको बर्दगोरिया गाउँपालिका-१ कट्टिपुरस्थित पूर्व–पश्चिम राजमार्गमा ट्रकले स्कुटरलाई ठक्कर दिँदा स्कुटर चालकको मृत्यु भएको छ ।

सोमबार बिहान करिब ८ बजे पश्चिमबाट पूर्वतर्फ आउँदै गरेको सु.प.प्र.०१–००१ ख ३६९५ नम्बरको ट्रकले सोही दिशातर्फ जाँदै गरेको लु.प्र.०१०१० प ००४५ नम्बरको स्कुटरलाई ठक्कर दिएको थियो ।

ट्रकको ठक्करबाट स्कुटर कैलालीको बर्दगोरिया गाउँपालिका–४ की ६२ वर्षीया सावित्री देवी सापकोटा गम्भीर घाइते भएकी थिइन् ।

सापकोटाको दोदोधरा अस्पताल प्रालि मुडागाउँमा उपचारका क्रममा मृत्यु भएको प्रहरीले जनाएको छ ।