बाढीमा बाबुआमाबाट छुट्टिएकी ६ वर्षीया बालिका ६० घण्टापछि जीवितै भेटिइन्

बाबुआमाले भने बाढीको छालले भित्तामा फालेर आफूहरू बँच्न सफल भएको सुरक्षाकर्मीसँग बताएका छन् ।

मनिषाको स्वास्थ्यमा थप समस्या देखिएपछि अहिले ती बालिकालाई काठमाडौं ल्याएर उपचार गराइएको छ । अहिले उनीहरू सबैको एउटै अस्पतालमा उपचार भइरहेको छ ।

६ वर्षीया छोरीको पनि ६० घण्टापछि जीवितै उद्धार भएकोबारे बाबुआमा पनि जानकार छन् ।

सशस्त्र प्रहरीका प्रवक्ता तथा डीआईजी नेत्रबहादुर कार्कीका अनुसार, टाउको बाहेक मनिषाको शरीरका अन्य भागहरू भने माटोले पुरिएका थिए । काठको टाँड परेकाले टाउकाको थोरै भाग पुरिनबाट बँचेको थियो । त्यही टाँडबाट आवाज आएपछि बीओपी टिमुरेको टोलीले ती बालिकाको जीवितै उद्धार गरेको थियो ।

यही बीओपीमा कार्यरत ९ जना सशस्त्र प्रहरी अझै बेपत्ता छन् ।

उद्धार गरेकी बालिकालाई बीओपीमा राखेर सशस्त्र प्रहरीले प्राथमिक उपचार गराएको थियो । रातभर त्यही राखेर प्राथमिक उपचार गरेपछि सेनाको हेलिकप्टरमार्फत बालिकालाई धुन्चे लगिएको थियो ।