लाङटाङ जलविद्युत् आयोजनाको सुरुङमा मजदुर फसे, उद्धार प्रयास जारी

काठमाडौ, १० भदौ। लाङटाङ जलविद्युत् आयोजनाको सुरुङमा २५ भन्दा बढी मजदुर फसेका छन् ।

२० मेगावाट जलविद्युत् आयोजनाको सुरुङमा ती मजदुर फसेको कम्पनीका प्रबन्ध निर्देशक तथा इप्पानका सचिव विजयमोहन भट्टराईले जानकारी दिए ।

उनका अनुसार नदीको सतह भन्दा १ सय मिटरमाथि सुरुङमा काम गर्दै गरेका मजदुर फसेका छन् । उनीहरूको उद्धार हुन सकेको छैन । मोबाइल सम्पर्क समेत हुन सकेको छैन ।

‘म आफैं हेलिकप्टर लिएर जान खोजेको थिँए, तर सबै सरकारले परिचालन गरेका कारण हेलिकप्टर उपलब्ध हुन सकेन,’ उनले भने, ‘उद्धारमा सरकारका निकायले तत्परता देखाउनुपर्ने छ ।’