सानेपामा कांग्रेस इतर पक्षको राष्ट्रिय सम्मेलन र देउवाको नेमप्लेटबारे छलफल

काठमाडौ, ०५ भदौ। नेपाली कांग्रेसको केन्द्रीय अनुशासन समितिले संस्थापन इतर समूहले आयोजना गरेको राष्ट्रिय सम्मेलन र चुनदेवीमा सभापतिको नेमप्लेटको विषयलाई लिएर कारबाही प्रक्रिया अघि बढाउने भएको छ ।

अनुशासन समितिका संयोजक तारामान गुरूङले समितिको बैठक जारी रहेकै अवस्थामा सानेपामा रहेका सञ्चारकर्मीलाई प्रतिक्रिया दिँदै कारबाही प्रक्रियाबारे जानकारी दिएका हुन् ।

उनले राष्ट्रिय सम्मेलनमा भएका गतिविधिबारे समितिमा अत्यधिक उजुरीहरू परेको पनि बताए । उजुरीहरू लिखित र मौखिक दुवै प्रकृतिका रहेका संयोजक गुरूङको भनाइ छ ।

संयोजक गुरूङले २४ भदौमा सुरू हुन गइरहेको वडा अधिवेशन अगावै सबै उजुरीको छिनोफानो गरिसक्ने पनि बताए ।