सुदूरपश्चिम प्रदेशका मुख्यमन्त्रीमाथि घुस आरोप लगाउने अधिकृत पक्राउ

धनगढी, ०२ चैत। सुदूरपश्चिम प्रदेशका मुख्यमन्त्री कमलबहादुर शाहमाथि घुस मागेकाे आराेप लगाउने वरिष्ठ डिभिजन वन अधिकृत कृष्णदत्त भट्ट पक्राउ परेका छन् ।

जिल्ला प्रहरी कार्यालय कैलालीकाे टाेलीले भट्टलाई उद्योग पर्यटन वन तथा वातावरण मन्त्रालयबाट केहीबेर अघि पक्राउ गरेको हाे ।

जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) याेगेन्द्र तिमिल्सिनाले भट्टलाई पक्राउ गरिएको पुष्टि गरे ।

भट्टविरुद्ध मुख्यमन्त्री शाहका स्वकीय सचिव प्रयागराज खनालले विद्युतीय अपराधसम्बन्धि जाहेरी दिएका थिए । साेही जाहेरीका आधारमा उनलाई पक्राउ गरिएको प्रहरीको भनाइ छ ।