एक किलो ग्राम अफिम सहित एक जना पक्राउ

अमरेस कुमार पाण्डेय । कलैया बारा । चैत्र ०८ गते
एक किलो ग्राम अफिम सहित बारामा मोटरसाइकल सहित एक जना मानिस पक्राउ परेको छ। जिल्ला प्रहरी कार्यालय बाराबाट खटिएका प्रहरी टोलीले बारा बारागढी गाउँपालिका वडा नं.१ भवानीपुर स्थित सडक खण्डमा चेकजाँच गर्ने ईटहरबेलाही तर्फबाट पोखरीयातर्फ जि.बारा जितपुरसिमरा न.पा.वडा नं.१६ टागियाबस्ती टोल बस्ने बर्ष अं.२७ को राजकुमार योन्जन तामाङले शंकास्पद रूपमा चलाई जादै गरेको बा.३५ प ८२२ नं.को मो.सा.लाई रोकी चेकजाँच गर्दा मो.सा.को लेगार्डमा झुण्डियाई राखिएको कालो प्लाष्टीक झोला भित्र लुकाई छिपाई राखेको अवस्थामा १ के.जी.अफिम फेला पारी बरामद गरी मो.सा.सहित निज राजकुमार योन्जन तामाङलाई पक्राउ गरी थप अनुसन्धान भइरहेको प्रहरीले जनाएको हो ।