महासंघ रौतहट शाखाको नयाँ नेतृत्वमा प्रेमचन्द्र झा

वर्तमानकाल समाचारदाता । रौतहट । चैत २५ गते
नेपाल पत्रकार महासंघ रौतहट शाखाको नेतृत्व प्रेमचन्द्र झाले पाउनु भएको छ । पत्रकार महासंघ रौतहट शाखामा बुधवार विहान ९ बजे देखि मतदान सुरु भएको मतदान दिउँसो ३ बजे सम्पन्न भएको थियो । मतदान लगत्तै मतगणना भएको थियो । सोही क्रममा अध्यक्षमा प्रेम चन्द्र झा, उपाध्यक्षमा रजनी ठाकुर, सचिव मदन ठाकुर, कोषाध्यक्षमा धर्मेन्द्र साह लगायत उपाध्यक्षम प्रवीण शर्मा, सह सचिवमा संजय सहनी,महिला सदस्यमा बिना राउत विजयी भएका छन् । निर्विरोध निर्वाचित भएका १५ जना पदाधिकारी सदस्यहरुको नामावली भने पहिले नै प्रकाशित गरिएको थियो । निर्विरोध निर्वाचित हुनेहरुमा सह सचिव खुला पदमा दिपेश पौडेल,सदस्य जनजातिमा प्रकाश श्रेष्ठ,अपांग सदस्यमा उमेश यादव,मधेसी सदस्यमा नन्दभूषण श्रीवास्तव,दलित सदस्यमा राम प्रवेश बैठा,खुला सदस्य राकेश यादव र रामपुकार राउत,राष्ट्रिय परिषद सदस्यहरुमा अशोक कुमार पहाडी,उतम कुमार उपाध्याय,रामएकवाल साह,विकाश अग्रवाल रहेका छन् । त्यस्तै प्रदेश परिषद सदस्यहरुमा रत्न अधिकारी,राजेन्द्र कुमार क्षेत्री, विवेक अधिकारी,गोपाल आचार्य रहेको नेपाल पत्रकार महासंघ निर्वाचन कार्यालय रौतहट शाखाका निर्वाचन अधिकृत विनय कुमार लाल दासले बताएका छन् । अध्यक्ष पदमा रबिन्द्र साह, प्रेमचन्द्र झा , गौतम श्रेष्ठ ,संजय कार्कीको लडाई कडा रहेको थियो जस मध्ये झले बाजि मारेका हुन् ।