मुकेश मिश्र । सर्लाही । चैत २६ गते
सर्लाहीमा चोरीको बाइकसहित एक जना मानिस पक्राउ परेका छन् । जिल्लाको मलङ्गवा नगरपालिका–९, का मोहम्मद सदाम हुसेनलाई प्रहरीले मोटरसाइकल चोरीको आरोपमा पक्राउ गरेको हो । बुधबार दिउँसो १ बजेतिर मलङ्गवा नगरपालिका–१०, का रामबाबु राउतको घर अगाडिबाट ना १ प २१४८ नम्वरको एफजेटएस मोटरसाइकल चोरी भएको थियो ।
मोटरसाइकल चोरी भएको खबर पाउनासाथ जिल्ला प्रहरी कार्यालय
मलङ्गवाबाट खटिएको प्रहरी टोलीले बुधबार साँझ ६ बजेतिर मलङ्गवा नगरपालिका–४, बाट चोरी भएको मोटरसाइकलसहित हुसेनलाई पक्राउ गरेको जिल्ला प्रहरी कार्यालय सर्लाहीले जनाएको हो ।
हुसेनलाई जिल्ला प्रहरी कार्यालयको हिरासतमा राखी थप अनुसन्धान भइरहेको सर्लाहीका प्रहरी नायव उपरीक्षक मदन कुँवरले जानकारी दिनुभयो ।
सर्लाहीमा चोरीको बाइकसहित एक जना मानिस पक्राउ
