मृगौला बेचविखन गरेको आरोपमा एक जना पक्राउ

नबिन कुमार । सप्तरी बैशाख २९ गते।
सप्तरीका एक जनालाई मृगौला बेचविखन गरेको आरोपमा सप्तरी प्रहरीले पक्राउ गरेका छ्न। सप्तरीको सुरुङ्गा नगरपालिका–१ शिशुवारीका ३५ वर्षीय रमेश विश्वकर्मालाई आज पक्राउ गरेको हो।पीडितको उजुरीका आधारमा विश्वकर्मालाई पक्राउ गरी मानव वेचविखन विरुद्धको उजुरी दर्ता गरिएको इलाका प्रहरी कार्यालय कडरबोना, सप्तरीका प्रहरी निरीक्षक बीरेन्द्र पासवानले बताउनु भयो । काठमाडौंमा बस्दै आएका टिपर सह–चालक सुरुङ्गा नगरपालिका–१ शिशुवारीका २४ वर्षीय दिपक भुजेललाई आरोपित विश्वकर्माले ललाईफकाई बुटवलसम्म पु¥याएका थिए । राम्रो पारिश्रमिक पाइने लोभ देखाई विश्वकर्माले अपरिचित व्यक्तिको जिम्मा लगाई भारत पठाएको पीडितको आरोप छ । मादक पदार्थ खुवाई भारत पु¥याएका अपरिचित आरोपितले केही दिन होटलमा राखेको र बेहोस बनाई अस्पताल पु¥याएर वैशाख २ गते मृगौला निकालेको पीडितले बताए । उक्त अस्पतालमा १० दिन राखेपछि पाँच हजार दिएर गाडी चढाई घर पठाएको र गत शुक्रबार घर आइ पुगेको पीडितकी श्रीमती निरा भुजलले जानकारी दिनुभयो । अर्का आरोपितको पहिचान खुली सकेको छैन् । प्रहरी निरीक्षक पासवानले मानव बेचविखन अनुसन्धान ब्युरो काठमाडौंसँग समन्वय गरी अपरिचित आरोपितको खोजीकार्य गरिरहेको जनाएको छ ।