रोमानिया पठाउने बहानामा ठगी, रकम भेटिएन उल्टै ऋण देखियो

 ‘राहदानीको फोटोकपी गराई र आवश्यक कागजी प्रक्रिया पूरा गरी हालसम्म ३२ थान राहदानी सम्बन्धित धनीलाई जिम्मा लगाइसकिएको छ,’ एसपी कटवालले भने । बाँकी राहदानी लिनका लागि सम्बन्धित सरोकारवालाहरूलाई प्रहरी कार्यालयमा सम्पर्क गर्न आग्रह गरिएको छ ।

यो ठगी प्रकरणमा उद्धव पाठक एक्लै नभई एउटा समूह नै सक्रिय रहेको प्रहरीको दाबी  छ । ठगीमा संलग्न भनिएका अन्य प्रतिवादीहरू अर्जुन कुमार भट्टराई, बद्री पाण्डे, विकास बस्नेत र हरिप्रसाद लोहा हाल फरार छन् । प्रहरीले उनीहरूको खोजी कार्यलाई तीव्रता दिएको छ ।

पक्राउ परेका पाठक र म्यानपावरका लेखापाल अभि भण्डारीमाथि हिरासतमा राखेर सोधपुछ र थप अनुसन्धान भइरहेको छ । वैदेशिक रोजगारीको नाममा गाउँका सोझा युवाहरूलाई ठगी गरी करोडौँ कुम्ल्याउने यो गिरोहका अन्य सदस्यहरू पनि छिट्टै कानुनी दायरामा आउने दाबी प्रहरीले गरेको छ ।

अहिले इलाका प्रहरी कार्यालय सिजुवा र जिल्ला प्रहरी कार्यालय मोरङमा पीडितहरूको भीड लाग्ने गरेको छ । ऋण काढेर विदेश जानका लागि बुझाएको पैसा डुबेपछि सयौँ परिवारको बिचल्ली भएको छ ।