कृष्णभीरमा सडक भासिँदा काठमाडौं–मुग्लिन सडक ठप्प

काठमाडौ, १४ भदौ। बाढीका कारण काठमाडौं-मुग्लिन सडक पूर्ण रूपमा अवरुद्ध भएको छ ।

भोटेकोशी हुँदै आएको बाढीले त्रिशूली नदीमा बहाब बढ्दा सडक अवरुद्ध भएको हो ।

धादिङकी प्रमुख जिल्ला अधिकारी लक्ष्मी पाण्डेय (गौतम) का अनुसार त्रिशूलीमा आएको बाढीले धादिङको बेनीघाट रोराङ गाउँपालिका-७ स्थित कृष्णभीरमा तलबाट सडक कटान गरेपछि सडक अवरुद्ध भएको छ । बाढीले कटान गरेपछि सडक केही भासिएको छ ।

आज बिहान केहीबेर अवरुद्ध भएर खुलेको सडक केही समयमै पूर्णरूपमा बन्द भएको हो । सडक बन्द भएपछि यात्रु अलपत्र परेका छन् ।