हेटौंडामा राप्ती खोलाको वितण्डा : बगाउँदा ७० वर्षीय वृद्धको मृत्यु

काठमाडौं, १६ भदौ। मकवानपुरको हेटौंडा उपमहानगरपालिका-१९ स्थित बस्तीपुरमा राप्ती खोलाले बगाउँदा एक जनाको मृत्यु भएको छ ।

मृत्यु हुनेमा मनहरी गाउँपालिका-४ मसिनेका ७० वर्षीय बलबहादुर रुम्बा रहेका छन् । उनलाई मंगलबार बिहान सवा ७ बजेको समयमा राप्ती खोलाले बगाएको थियो ।

खोलाले मान्छे बगाएको सूचना पाउनसाथ नेवारपानीबाट प्रहरी टोली खोजतलासको लागि खटेको थियो ।

खोजतलासको क्रममा बस्तीपुरको पुलभन्दा ५०० मिटर तल राप्तिखोलामा रुम्बाको शव फेला परेको प्रहरीले जनाएको छ ।