पृथ्वी राजमार्गको परेवाभिरमा वैकल्पिक सडक सञ्चालनमा

काठमाडौं, १७ भदौ। पृथ्वी राजमार्ग अन्तर्गत धादिङको गजुरी गाउँपालिका-३ स्थित परेवाभिरमा वैकल्पिक मार्ग खोलिएको छ ।

त्रिशूलीको बाढीको कटानका कारण सडक भासिएको थियो । सडक पूर्णरुपमा अवरुद्ध भएको थियो । हाल सोही ठाउँमा वैकल्पिक ट्रयाक खोलिएको जिल्ला प्रहरी कार्यालय धादिङले जनाएको छ ।

१०० मिटरको नयाँ ट्रयाक खोलिएको छ । उक्त सडकमा सवारी साधन सामान्य सञ्चालन हुन थालेको प्रहरीको भनाइ छ । तर, यो ट्रयाकमा पनि यात्रा गर्न जोखिमपूर्ण रहेको प्रहरीको भनाइ छ ।

यसअघि त्रिशूलीको बाढीका कारण सोही राजमार्गको कृष्णभिरमा सडक भासिँदा सडक पूर्णरूपमा अवरुद्ध बनेको थियो ।