एनपीएल सुरु हुनुअघि प्रधानमन्त्री बालेन शाहको क्रिकेटप्रेमीलाई सन्देश

रौतहट,०९ कात्तिक। प्रधानमन्त्री बालेन्द्र शाहले आजदेखि सुरु हुन लागेको नेपाल प्रिमियर लिग (एनपीएल) क्रिकेट प्रतियोगिताका लागि नेपाली खेलाडी, आयोजक तथा नेपाल क्रिकेट सङ्घ (क्यान) लाई शुभकामना व्यक्त गरेका छन् ।

प्रधानमन्त्री शाहले एनपीएल केही वर्षमै नेपालको सबैभन्दा ठुलो खेलकुद उत्सवका रूपमा विकसित हुन सफल भएको उल्लेख गर्दै प्रतियोगितामा सहभागी हुन नेपाल आएका अन्तर्राष्ट्रिय खेलाडी तथा कमेन्टेटरलाई हार्दिक स्वागत गरेका हुन् ।

उनले आफ्नो शुभकामना सन्देशमा भनेका छन्, “नेपालको सबैभन्दा ठुलो खेलकुद प्रतियोगिता एनपीएल आजदेखि सुरु हुँदैछ । केही वर्षमै यो ठुलो खेलकुद उत्सवका रूपमा लिन सफल भएको छ । लिगमा सहभागी हुन आएका सबै अन्तर्राष्ट्रिय खेलाडी र कमेन्टेटरलाई हार्दिक स्वागत छ । नेपाली खेलाडी, आयोजक र क्यानलाई यो सुन्दर प्रतियोगिताका लागि शुभकामना । नेपाली क्रिकेट अमर रहोस् ।

प्रधानमन्त्री शाहले प्रतियोगिताको सफलताको कामना गर्दै नेपाली क्रिकेटको विकास र अन्तर्राष्ट्रिय स्तरमा यसको पहिचान विस्तार हुने अपेक्षासमेत व्यक्त गरेका छन् ।