कटहरियामा नगरप्रमुख कुशवाहाले गरे ढल निकासको शिलान्यास

वर्तमानकाल संवाददाता । रौतहट । माघ २७ गते
रौतहट जिल्लाको कटहरिया नगरपालिकामा ढल निकासको शिलान्यास गरिएको छ । कार्यक्रमको अध्यक्षता नगरप्रमुख सियाराम कुशवाहाले गर्नु भएको थियो भने प्रमुख अतिथीको रुपमा आयोजना निर्देशक रामकुमार श्रेष्ठ रहनु भएको थियो । कटहरिया नगरपालिका वडा नम्बर ४ र ५ मा खानेपानी तथा सरसफाइ आयोजनामा हुन लागेको ढल निमार्णको शिलान्यास गरिएको हो । कटहरिया नगर नगरप्रमुख कुशवाहा र आयोजना निर्देशक श्रेष्ठ द्धारा संयुक्त रुपमा गरेको थिए । कटहरिया खानेपानी तथा सरसफाइ कार्यालय अगाडी शिलान्यास गरिएको थियो । नुंढी रोशन आश्रय जेभि बनेपा ललितपुर निमार्ण व्यवसाय द्धारा ३४ करोड ९७ लाख ८५ हजार २ सय ८८ मा घटाघट प्रक्रिया द्धारा ठेक्का कबुल गरि १८ महिनामा काम पुरा गर्ने समझौता गरेको हो । कार्यक्रममा लेखा उप सचिव प्रकाश भट्टराइ , उप निर्देशक टिका चौधरी सहित स्थानिय पार्टी प्रतिनिधी तथा खानेपानी सरसफाइ कार्यक्रम कटहरियाका उपभोक्ता समितिका कर्मचारीहरुको उपस्थिती रहेको थियो ।