मावि गरुडामा वक्तृत्वकला प्रतियोगिता सम्पन्न

वर्तमानकाल संवाददाता । रौतहट । फाल्गुन ०३ गते
रौतहटको गरुडा नगरपालिका वाड नम्बर ४ स्थित श्री माध्यमिक विद्यालय गरुडामा वक्तृत्वकला प्रतियोगिता सम्पन्न भएको छ । “आसमान नेपाल र गरुडा नगरपालिका’’को सहयोगमा विद्यालय स्तरीय वक्तृत्वकला प्रतियोगिता सम्पन्न भएको छ । कक्षा ७, ८, ९ र १० का छात्र÷छात्राहरुको सहभागिता रहेको प्रतियोगितामा कक्षा ७ का अधिराज कुमार यादव प्रथम, कक्षा ९ का वृत्वी राज कुमार साह दोश्रो र कक्षा ९ कै ज्ञानेन्द्र कुमार ठाकुर तोश्रो भएको छ भने किरण कुमारी साहले सान्तवना पुरस्कार प्राप्त गरेको छ । प्रतियोगितामा प्रथम दोश्रो तथा तेश्रो हुनेहरु तथा सहभागी हुनेहरुलाई समेत आसमान नेपालको सहयोगमा पुरस्कार वितरण गरेको छ । कार्यक्रमको अध्यक्षता विद्यालयको प्रधानाध्यापक प्रभु राउत पटेलले गरेको थियो भने नगरपालिकाको शिक्षा शाखा संयोजक नागेन्द्र साह प्रमुख आतिथ्य ग्रहन गर्नु भएको थियो । प्रमुख अथिती साहले विद्यार्थीहरुले गरेको कार्य अतिनै सराहनीय भएको र भविष्यमा विद्यार्थीहरुले यस्ता कार्यक्रमको निरन्तरता पाए झन राम्रो गर्न सकने बताए । साथै नगरपालिकाबाट विभिन्न समयमा यस्ता कार्यक्रमहरु संचालन गर्ने प्रतिब्धता समेत गर्नु भयो । कार्यक्रममा नगरपालिकाको सह शिक्षा संयोजक मौजेलाला राय यादव, विद्यालय व्यवस्थापन समिति सदस्य मिश्रीलाला यादव, वडा सदस्इ देवलाल चौधरी लगायत स्कुलको शिक्षक, शिक्षीका, विद्यार्थीहरुको उपस्थिती रहेको कार्यक्रमको संचालन विद्यालयका शिक्षक शिवशंकर कुमार झाले गरेको थियो ।