वर्तमानकाल संवाददाता । रौतहट । फाल्गुन ०७ गते
रौतहट जिल्लाको गुजरा नगरपालिकामा शहरी विकास मन्त्री प्रभु साहले पुलको एक कार्यक्रमका बिच विहिबार शिलान्यास गर्नु भएको छ । सो पुलका साथै बालचनपुर—जंगलसैया र परसवा— पल्टुवासम्मको कालोपत्रेको पनि उद्घाटन गर्नु भएको छ । सघन शहरी तथा भवन निर्माण आयोजना कार्यालय विरगञ्जबाट गुजरा नगरपालिकामा निर्मित परसवा—पल्टुवा—खतबैया सडकको मन्त्रि साहले विधिवत रुपमा उद्घाटन गर्नु भएको हो । सोे कार्यक्रममा सम्बोधन मन्त्री साहले समयमा नै कालोेपत्रे सम्पन्न गरेकोमा धन्यवाद दिनु हुँदै आफुले उद्घाटन गरेको पुल २ बर्षभित्र सम्पन्न गर्नु पर्ने समयावधि रहेको भएतापनि त्योे समय भन्दा अगाडी सम्पन्न हुनेमा विश्वस्त रहेकोे बताउनु भयो । साथै वहाँले तोकेको समयमा नै चुनाव हुनेमा आमजन समुदायलाइ आस्वस्त पार्नु भएको थियो । सो कार्यक्रममा बिधायक कुन्दन कुशवाहा , सडक डिभिजन कार्यालयका प्रमुख बिनोद रौनियार , प्रमुख जिल्ला अधिकारी इन्द्रदेव यादव ,सशस्त्र प्रहरी प्रमुख , कटहरिया नगरपालिकाका नगर प्रमुख सियाराम कुशवाहा , मौलापुरका नगर प्रमुख रिना कुमार साह ,पलट चौधरी लगायत नेकपा ओली समुह पार्टीका नेता कार्यकर्ता तथा स्थानियहरुको उल्लेखनिय सहभागीता रहेको थियो ।
तोकिएकै मिति मितिमा चुनाव हुने ः मन्त्री प्रभु साह
