वर्तमानकाल समाचारदाता । फतुवा विजयपुर । फाल्गुन ११ गते
गौर नगरपालिकाको सहयोगमा रौतहट जिल्ला क्रिकेट संघ द्वारा आयोजित मेयर कप च्याम्पियनसिपको पहिलो खेलमा गौर १ द्वारा गौर दुइ ६ विकेटले पराजित भएको छ ।
पहिलो खेलमा टस जितेर ब्याटिङ गरेको गौर २ ले १९.४ ओभरमा अल आउट भई ११९ रनको लक्ष्य प्रस्तुत गरेको थियो । गौर २ बाट राजन पटेलले ४६ बल खेल्दै ४४ रन बनाए ।
लक्ष्य पछ्याउन उत्रेका गौर १ ले १५.४ ओभरमा जीत सुनिश्चित पारे । लक्ष्यलाई जोगाउने क्रममा वार्ड २ को नितेश झाले ४ ओभरमा ९ रन खर्चेर ३ विकेट लिँदै उत्कृष्ट प्रदर्शन गरे ।
खेलमा ४ ओभर बलिङ गर्दै १५ रन खर्चेर २ विकेट र २५ रन जीवित रहेर जितमा योगदान दिएको सन्नी शाह म्यान अफ दि म्याच बनेका छन् ।
