बारामा पाचौं करैयामाई पिपरा गोल्ड कप फुटबलमा सशस्त्र प्रहरी बल महोत्तरी विजयी

वर्तमानकाल समाचारदाता । बारा । फागुन ११ गते
बाराको करैयामाई गाउँपालिका वडा नम्बर ७ मा रहेको पिपरा स्थित पचगछिया खेल मैदानमा जारी सृजनशिल युवा क्लब पिपरा बाराको आयोजना र करैयामाई गाउँपालिकाको आर्थिक सहयोगमा यही मिति फाल्गुन ६ गते देखि १५ गते सम्म सञ्चालन हुने पाचौं करैयामाई पिपरा गोल्ड कप फुटबलमा आज पाचौं दिनको खेलमा सशस्त्र प्रहरी बल एपीअफ महोत्तरी र बिरगंज युथ एकेडेमी पर्सा बिच भएको खेल प्रतिस्पर्धामा बिरगंज युथ एकेडेमी पर्सालाई ० को बिरूद्ध २ गोलले सशस्त्र प्रहरी बल एपीअफ महोत्तरी विजयी भएको छ । आजको खेलको म्यान अफ द म्याच सशस्त्र प्रहरी बल एपीअफ महोत्तरीका जर्सी नं।१४ को रूपक लामा हुनु भएको छ । साथै भोली छेठौ दिनको फुतबल खेलको दोस्रो सेमिफाईनल खेल बिरगंज युनाईटेड बिरगंज र नवजनजागृति क्लब सिमरा बारा बिच हुने आयोजक सृजनशिल युवा क्लबका सहसचिव जितेन्द्र चौधरीले बताउनु भएको छ ।