त्यसपछि दुवैजनालाई पक्राउ गरेर सोधपुछ गर्दा उनीहरूसहित तीन जना थाइल्यान्डबाट आएको गाँजा रिसिभ गर्न लुधियानाबाट यूपी ३८एपी १९७५ नम्बरको गाडीमा काठमाडौं आएको खुलेको ब्युरोका प्रवक्ता एसपी दुर्गाराज रेग्मीले जानकारी दिए ।
खोजी गर्दैजाँदा उक्त गाडी धादिङको धुनिबेँशी नगरपालिका–९ कानाकोटमा बेवारिसे अवस्थामा फेला परेको प्रहरीले जनाएको छ ।
सो गाडीमा थप ५०० ग्राम गाँजा बरामद भएको एसपी रेग्मीले जानकारी दिए ।
प्रहरीले थाइल्यान्डबाट गाँजा पठाउन सहुलत खान र अर्का फरार रहेका साहादत खान दाजुभाइ रहेको खुल्न आएको जनाएको छ ।
यस्तै, उक्त गाडी यसअघि दुई पटक नेपाल आएर थाइल्यान्डबाट आएको गाँजा भारत लगेर गइसकेको पनि खुलेको प्रहरीले जनाएको छ ।
