कञ्चनपुरमा धारिलो हतियार प्रहार गरी युवकको हत्या, दुई जना पक्राउ

धनगढी , ०९ वैशाख। कञ्चनपुरमा धारिलो हतियार प्रहार गरी युवकको हत्या गरेको आरोपमा प्रहरीले दुई जनालाई पक्राउ गरेको छ ।

पुनर्वास नगरपालिका–५ भानुबस्तीमा १८ वर्षीय उज्जल सायर माथि धारिलो हतियार प्रहार गरी हत्या गरेको आरोपमा उनीहरु पक्राउ परेका हुन्।

पुनर्वास नगरपालिका–५ कै २५ वर्षीय धनबहादुर बयाडी र १९ वर्षीय टंक थापालाई प्रहरीले पक्राउ गरेको जनाएको छ। उनीहरुले दाइ नाता पर्ने नरेश खातीको विवाह समारोहमा सहभागी भएका बेला सायरलाई चक्कु प्रहार गरी गम्भीर घाइते बनाएका थिए।