पार्टी परिवर्तनपछि गाउँपालिका अध्यक्षसहित ३ जनप्रतिनिधि पदमुक्त

काठमाडौं, ०९ असार। स्थानीय तह निर्वाचन २०७९ मा नेपाली कांग्रेसको तर्फबाट निर्वाचित भई पछि अन्य दलमा प्रवेश गरेका तीनजना जनप्रतिनिधि पदमुक्त भएका छन् । निर्वाचन आयोगले एक सूचना जारी गर्दै उनीहरू निर्वाचित भएको पद स्वतः रिक्त भएको जानकारी दिएको हो ।

पदमुक्त हुनेहरूमा जुम्लाको गुठीचौर गाउँपालिका अध्यक्ष दानबहादुर बुढा, नवलपरासी (बर्दघाट सुस्ता पश्चिम) पाल्हीनन्दन गाउँपालिकाकी उपाध्यक्ष फातिमा खातुन अन्सारी र बुटवल उपमहानगरपालिका-३ का वडाध्यक्ष विष्णु ढकाल छन् ।

उनीहरू तीनैजना राष्ट्रिय स्वतन्त्र पार्टीमा प्रवेश गरेका थिए ।