मुख्यमन्त्री शाहले आज राजीनामा दिँदै, नयाँ सरकार गठनको तयारी

धनगढी, २८ साउन। सुदूरपश्चिम प्रदेशका मुख्यमन्त्री कमलबहादुर शाहले आज राजीनामा दिने भएका छन् । आज साँझ ५ बजे बस्ने प्रदेशसभाको बैठकमा मुख्यमन्त्री शाहले  राजीनामा दिने भएका हुन् ।

प्रदेशसभामा सम्बाेधन गरेपछि शाहले प्रदेश प्रमुखसमक्ष राजीनामा बुझाउने तयारी गरेका छन् । प्रदेशसभामा विश्वासको मत पाउने अवस्था नरहेपछि मुख्यमन्त्री शाहले राजीनामा दिन लागेका हुन्।

गत असार ३१ गते नेकपा एमालेले प्रदेश सरकारलाई दिएको समर्थन फिर्ता लिएपछि शाह नेतृत्वको सरकार अल्पमतमा परेको थियो । संविधानअनुसार विश्वासको मत लिनुपर्ने ३० दिनको समय सीमा पनि आज पूरा हुँदैछ।