स्वास्थ्य क्षेत्रका ३०० बढी पदाधिकारी हटाइए, मेडिकल काउन्सिल पनि प्रभावित

यसैगरी राष्ट्रिय चिकित्सा शिक्षा आयोग र स्वास्थ्य बीमा जस्ता संवेदनशील क्षेत्रमा पनि सरकारले ठुलो शल्यक्रिया गरेको छ। राष्ट्रिय चिकित्सा शिक्षा आयोगका १६ जना पदाधिकारी र स्वास्थ्य बीमा बोर्डका ७ जनाको पद पनि खोसिएको छ।

आमाको दूधलाई प्रतिस्थापन गर्ने वस्तु बिक्री वितरण नियन्त्रण समितिका ५ जना र जनस्वास्थ्य ऐन बमोजिमका ६ सदस्यको पद पनि जाने भएको छ। शिक्षा र स्वास्थ्यसँग जोडिएका नयाँ विश्वविद्यालयहरूमा पनि यसको प्रत्यक्ष असर परेको छ, जसमा विदुषी योगमाया हिमालय आयुर्वेद विश्वविद्यालयका ४२ जना र सहिद दशरथ चन्द स्वास्थ्य विज्ञान विश्वविद्यालयका २९ पदाधिकारी पदमुक्त भएका छन्।