रौतहटको चन्द्रपुरमा रविदासको ६ सय ४४ औं जन्मोत्सव समारोह सम्पन्न

वर्तमानकाल समाचारदाता । रौतहट । फाल्गुन १६ गते
रौतहटको चन्द्रपुरमा विशाल सभा सम्पन्न भएको छ । नगरपालिकामा सन्त शिरोमनी श्री रविदासको माहाराजजीको ६ सय ४४ औं जन्मोत्सव समारोह सम्पन्न भएको हो । सो नगरपालिकाको वडा नम्बर ८ स्थित सन्तपुर विरेन्द्र बजार रौतहटमा कार्यक्रम गरिएको थियो । जिल्ला स्तरीय रबिदास मिसन नेपाल रौतहटको आयोजनामा कार्यक्रम गरिएको थियो । ऐसा चाँहु राज मै , जहाँ मिले सवनको अन्न , छोट बडा सब सम् बसे रविदास रहे प्रसान्न नाराको साथ सो सभा गरिएको सभामा सहभागी दलित अगुवा गुजरा नगरपालिकाको कार्यपालिका सदस्य एवं समाजसेवी पुनित रामले जानकारी गराउनु भएको हो । कार्यक्रमको प्रमुख अतिथि चमार कल्याण समाज नेपालका प्रदेश कमिटी सदस्य बिक्रम महरा तथा विशिष्ट अतिथि चन्द्रपुर नपाको नगर उप प्रमुख रामरती चौधरी रहनुभएको थियो । यस अवसरमा हजारौं स्थानिय भद्रभलादमी, बुद्धिजिवीहरुको सहभागिता रहेको थियो ।