बज्जी साहित्यिक त्रैमासिक प्रकाशनको तयारी

संजय सुदामा । सर्लाही । फाल्गुन २३ गते
जिल्ला प्रशासन कार्यालय सर्लाहीमा दर्ता भएको बज्जी साहित्यिक त्रैमासिक पत्रिकाको प्रकाशनको तयारी थालिएको छ । साहित्यकार रामचन्द्र महतो कुशवाहा प्रकाशक सम्पादक रहेको बज्जी साहित्यिक त्रैमासिक पत्रिकाको कार्यकारी सम्पादकमा बलरा नगरपालिका १० सुदामाका सञ्जय सुदामा कार्यकारी सम्पादक र रौतहटको गरुडा नगरपालिका ५ महम्मदपुरका साहित्यकार किशुनदयाल श्रीकृष्ण व्यवस्थापक भएका छन् । पूर्व प्रमुख जिल्ला अधिकारी डा. कमलेश्वरकुमार सिन्हा संरक्षक रहेको बज्जी साहित्यिक पत्रिकाको सल्लाहकार सभामा मनमोहन सिंह मनोहर, राम पवित्र साह, महादेव झा र जियालाल राय रहेका छन् । आगामी चैत महिनामा चालीस पृष्ठको बज्जी साहित्यिक त्रैमासिकको पहिलो अंक लोकार्पण गर्ने तयारीका साथ पत्रिको तयारी सुरु गरिएको कार्यकारी सम्पादक सुदामाले जानकारी गराएका छन् ।