मावि श्रीपुरमा बज्जिका साहित्य संगमको साहित्यीक गोष्ठी सम्पन्न

वर्तमानकाल समाचारदाता । गरुडा । फाल्गुण २५ गते
बज्जिका साहित्य संगमको रौतहटको साहित्यीक गोष्ठी सम्पन्न सम्पन्न भएको छ । गरुडा नगरपालिकाको श्रीपुर गम्हरियामा गोष्ठीको लागि भेला बोलाइएको थियो । सो नगरपालिकाको माध्यमिक विधालय श्रीपुर गम्हरियामा बज्जिका साहित्यकारहरु जम्मा भएका थिए । संगमका अध्यक्ष किसुन दयाल यादव श्रीकृष्णको अध्यक्षता र साहित्यकार मनमोहन सिंह मनोहरको प्रमुख आतिथ्यतामा कार्यक्रम गरिएको थियो । सो संस्थाको ४३ औं साहित्यिक कार्यक्रम नारी विशेष कार्यक्रम गरिएको थियो । कार्यक्रममा उपस्थित साहित्यकारहरुको नारी शिर्षकमा कविता ,लघुकथा सहितका विषयमा आ आफनो प्रस्तुती राखेका थिए । सो कार्यक्रममा मावि गम्हरियाका छात्राहरुले नाटकको माध्यम बाट महिलाहरुले भोग्नु पर्ने समस्याहरु दर्शाएका थिए । निकै मार्मिक नाटक प्रस्तुत गरेका थिए । उनीहरुको प्रतिभा बाट प्रभावित भएर सम्मान स्वरुप पुस्तक उपहार प्रदान गरिएको थियो । यस अवसरमा साहित्यकार संजय साह मित्र,मुकुन्द सिंह प्रभार,उपाध्यक्ष रेणु गुप्ता , शेष चाँद अली,संगीता सहनी ,प्रअ रामअधार पासवान , युवा नेता तथा विधालय व्यवस्थापन समितिका अध्यक्ष राजकुमार दास,कौशर खान सहित शिक्षक र विधार्थीहरुको उपस्थिती रहेको थियो ।