आरके श्रीवास्तव । गरुडा । चैत्र ०५ गते ।
गरुडा नगर स्तरीय प्रधानाध्यापकहरुको बैठक सम्पन्न भएको छ । गरुडा नगरप्रमुख इन्नु राय यादवको अध्यक्षतामा श्री सरस्वती आधारभूत विधालय महम्दपुर गरुडा ५ मा सम्पन्न भएको छ । बैठकमा एनइजिआरपि को रकम कक्षा १ देखि ३ सम्मको शैक्षिक सुधार व्यवस्थापन गर्ने सम्बन्धि ३ सदसिय एनइजिआरपि नगर स्तरीय प्रभु राउत पटेलको संयोजकत्वमा जीवनेश्वर झा र किसुन दयाल यादवको सदस्य रहने गरी गठन भएको छ । त्यस्तै अर्को यस शैक्षिक सत्र २०७७ को वार्षिक परीक्षा जेष्ठको दोस्रो सता बाट संचालन गरिने समेत निर्णय गरिएको छ । उक्त कार्यक्रम नगरपालिकाको श्रोत व्यक्ती नागेन्द्र प्रसाद साहले गर्नु भएको थियो भने त्यस बैठकको सहजीकरण शिक्षा संयोजक मौजेलाल राय यादवले गर्नु भएको थियो । उक्त बैठकमा नगरका यूवा नेता अनिल कुमार यादव , नमूना मावि गरुडाका प्रधानाध्यापक प्रभु राउत पटेल मावि महम्दपुरका प्रअ चुल्हाइ राय यादव ,मावि मलाहीका प्रअ रामसागर साह,मावि श्रीपुरका प्रअ रामअधार पासवान , मावि जिंगडियाका प्रअ मौजेलाल साह लगायत नगर भित्रका सम्पुर्ण सामुदायिक विधालयका प्रअहरुको उपस्थिती रहेको थियो भने जानकारी अमरपट्टी प्राविका प्रधानाध्यापक किसुन दयाल यादवले गराउनु भएको हो ।
