हत्या आरोपीलाई रौतहट प्रहरीले गर्यो पक्राउ

विणा श्रीवास्तव । गौर । चैत्र ०५ गते ।
रौतहट जिल्लाको वृन्दावन निवासी हत्याका आरोपीलाई रौतहट प्रहरीले पक्राउ गरेको छ । फाल्गुन २९ गते काठमाण्डौंको टोखा नगरपालिका ३ का सुर्दशन हाइटम आशिष लिम्बु नामक व्यक्तिको हत्या आरोपी रौतहटको वृन्दावन नगरपालिका ३ विश्रामपुरबाट १९ वर्षिय नसिम मंसुरी पक्राउ परेका हुन् । लिम्बुको हत्यापछि मंसुरी आफनो आफन्तको घर बृन्दावन नगरपालिका ३ विश्रामपुर निवासी हफिज अंन्सारीको घरमा लुकिछिपी बसिरहेको अवस्थामा प्रहरीले पक्राउ गरेको हो । प्राप्त जानकारी अनुसार रौतहट जिल्लाको गुजरा नगरपालिका ९ निवासी मजिक मियाको छोरा मंसुरीलाई बुधवार विहान पक्राउ गरि काठमान्डौं प्रहरीको जिम्मा लगाइएको बुझिएको हो ।