रौतहट,१८ माघ । पर्सा प्रहरीले प्रतिबन्धित लागूऔषधसहित १ जनालाई पक्राउ गरेको छ । वीरगञ्ज महानगरपालिका वडा नम्बर १६ भानु चौक बसपार्कस्थित सडकखण्डबाट प्रहरीले लागूऔषध बरामद गरेको हो ।
विशेष सूचनाको आधारमा लागूऔषध नियन्त्रण ब्यूरो शाखा कार्यालय, जिल्ला प्रहरी कार्यालय पर्सा र प्रहरी चौकी बसपार्कबाट खटिएको टोलीले एक युवकलाई पक्राउ गरेको हो ।
शंकास्पद अवस्थामा पैदल हिँडीरहेका व्यक्तिलाई खानतलासी गर्दा प्लाष्टिकको झोलामा पेपर र सेतो पानी टेपले बेरिएको लुकाईछिपाई राखिएको लागूऔषध फेला परेको प्रवक्ता प्रहरी नायब उपरीक्षक कुमार विक्रम थापाले जानकारी दिए । उनकाअनुसार ३ सय एम्पुल नुरफिन, ३ सय एम्पुल फेनारगन र ३ सय एम्पुल डाइजेपाम गरी ९ सय एम्पुल फेला परेको हो ।
लागूऔषधसहि तभारत बिहार जिल्ला पूर्वी चम्पारण थाना रामगढवा ग्राम रामगढवा बस्ने २५ वर्षीय धिरज कुमारलाई पक्राउ गरेको हो । उनीहरु विरुद्ध लागूऔषध सम्बन्धी कसूरमा थप अनुसन्धान भइरहेको प्रहरी नायब उपरीक्षक थापाले बताए ।
