रमेश कुमार यादब
फाल्गुन ०४,रौतहट
निर्धारित समय भन्दा सात महिना ढिलो गरी रौतहटको फतुवा विजयपुर नगरपालिकाको सातौं नगर सभा बिहिबार सम्पन्न भएको छ ।सरकारको नियम अनुसार प्रत्येक स्थानीय तहले असाढ मसान्त भित्रमा नगर सभा गरी अगामी आर्थिक वर्षको बजेट , निति तथा कार्यक्रम ल्याई सक्नु पर्ने प्रवधान छ । तर जनप्रतिनिधि बीचको आन्तरिक द्वन्द र वाद विवादको कारण असाढ़मा हुनु पर्ने नगर सभा सात महिना ढिलो गरी विहिवार सम्पन्न भएको हो ।
नगरपालिकाको कार्यालय परिशरमा कार्यवाहक नगर प्रमुख अमब्या खातुनको अध्यक्षतामा फतुवा विजयपुरको सातौं नगर सभा अधिवेशन सभ्य भव्य एवं उत्साह जनक सहभागितामा सम्पन्न भएको हो । नगरपालिकाले सातौं नगर सभाद्वारा यस चालु आर्थिक वर्ष २०८०÷ ८१ का लागि ४८ करोड ५ लाख ८८ हजार दुई सय रूपैया बजेट सार्वजनिक गरेको छ ।
नेपाल सरकारको संघीय बजेटबाट समानीकरण अनुदान, सशर्त अनुदान (चालु), सशर्त अनुदान (पूँजिगत), गरि जम्मा रु. ३२ करोड ४१ लाख १२ हजार विनियोजन गरिएको छ । त्यस्तै संघीय राजस्व बाँडफाँडबाट रु ९ करोड ८२ लाख १४ हजार २ सय, मालपोत शिफारीस दस्तुर रु. ३० लाख, मालपोत जग्गा रजिष्टूेशन बाँडफाँड वापत प्राप्त हुने रू. १ करोड २० लाख, प्रदेश सरकारबाट प्राप्त हुने सवारी साधन कर रु. २५ लाख र प्रदेश समानीकरण अनुदान रु. ८० लाख ६२ हजार, प्रदेश समपुरक अनुदान रु. २० लाख, प्रदेश विशेष अनुदान रु. ३० लाख, प्रदेश सशर्त (पूँजिगत) रू. ८० लाख, आन्तरिक श्रोत रु. १ करोड ५० लाख र सडक बोर्ड बाट प्राप्त हुने अनुदान रू. ४७ लाख रहेको छ ।
नगरसभा कार्यक्रमा कार्यवाहक मेयर खातुन , वडा १० का अध्यक्ष मंजय चौधरीले शुभकामना मन्तब्य राखेका थिए भने प्रमुख प्रशासकिय अधिकृत सुरेन्द्र प्रधानले स्वागत मन्तब्य पनि राखेका थिए । कार्यक्रममा कार्यवाहक मेयर खातुनको तर्फबाट प्रमुख प्रशासकिय अधिकृतले बिकाश सम्बनधी कार्य बिबरण प्रस्तुत गरेका थिए । नगरपालिकाको प्रमुख प्रशासकीय अधिकृत सुरेन्द्र प्रधानले नगरको समग्र विकासका लागि उक्त बजेट प्रस्तुत गरेका थिए ।
अधिकृत प्रधानले यस चालु आर्थिक वर्ष २०८०÷ ८१ को निति तथा कार्यक्रम तथा बजेट तर्जुमा गर्ने प्रक्रिया प्रत्यक्ष तथा परोक्ष रुपमा सबैलाई सहयोग पुर्याउने बिश्वासका साथ प्रस्तुत गरेका बताउनु भएको थिए । यस नगर सभाले अफ्ना निति तथा कार्यक्रममा शिक्षा , स्वास्थ्य , भौतिकपूर्वधार , कृषी र खानेपानी लगाएका क्षेत्रलाई विशेष प्रथमिकता दिएको छ ।
रौतहटमा रहेको १८ वटा स्थानीय तह मध्ये अहिले सम्म १७ वटा पालिकाले नीति , कार्यक्रम तथा बजेट ल्याई सकेको अवस्थामा जनप्रतिनिधि वीच कुरा न मिल्दा फतुवा विजयपुर नगरपालिकाको नगर सभामा ढिलाई हुदै आएको थियो । तर निकै लामो समयको प्रयास पछि जनप्रतिनिधि वीच कुरा मिले पछि फतुवा विजयपुरको सातौं नगर सभा बहुमतले पारित भएको हो । उक्त कार्यक्रममा पालिकाको एघार वटै वडाकावडाध्यक्ष सहित कार्यपालिकाको सदस्य सुरक्षाकर्मि बहुमत सदस्यको उपस्तिति रहेको थियो ।
