वर्तमानकाल सम्वाददाता
असार १२ गते ।
रौतहटको एक घरमा आगलगी हुँदा लाखौं मुल्य बराबरको क्षति भएको हो ।रौतहट जिल्लाको पुर्व पश्चिम राजमार्गको चन्द्रपुर नगरपालिका वडा नम्वर ९ सिन्दुरेघारी गाँउमा एक जनाको घरमा बुधवार विहान आगलागि हुँदा करिव पौने ६ लाखको धनमाल जलेर नष्ट भएको छ ।
चन्द्रपुर नगरपालिकाको सिन्दुरेघारी निवासी ध्रुव बहादुर सापकोटाको जस्ताले छाएरको दुई तल्ले कच्ची घरमा बुधबार अचानक आगलागि हुँदा घर भित्र रहेका अन्न, लत्ताकपडा, सिलाई मेशिन सहित घर पूर्णरुपमा जलेर नष्ट हुँदा करिव ५ लाख ८८ हजार मूल्य बराबरको सम्पत्ती क्षति भएको हो ।
आगलागि भएको खवर प्राप्त हुनासाथ सन्तपुर स्थित सशस्त्र बेस क्याम्पबाट सप्रसनी कृष्णनन्दन रायको नेतृत्वमा सशस्त्र प्रहरी, नेपाल प्रहरी, चन्द्रपुर नपाको दमकल र स्थानीय बासिन्दाहरुको मद्दतबाट आगो माथि नियन्त्रण पाएको सशस्त्र प्रहरी बल नेपाल नम्वर ११ गणका गणपति एवं एसपी विक्रम हुमागाईले जानकारी दिए ।
विद्युत सर्ट भएर आगो लागेपछि नियन्त्रण गर्न झण्डै ५० मिनेट लागेको एसपी हुमागाईले बताए । आगोबाट मानविय क्षति नभएपनि आर्थिक रुपमा ठुलो क्षति भएको छ । आगलगी पिडीतलाई सुरक्षित स्थानमा राखिए पनि उनीहरुको राहतको स्थानियहरुले अपिल गरेका छन ।
