रमेश कुमार यादब
असार १५ गते ।
श्री रुप नेपाली पाल माध्यमिक बिधालयमा आयोजना गरिएको पुरस्कार बितरण तथा सम्पान कार्यक्रम सम्पन भएको छ । रौतहट बृन्दावन नगरपालिकाको नगर प्रमुख बिनोद प्रसाद कुर्मीको प्रमुख आतिथ्यतामा बृन्दावन नगरपालिका वार्ड नं. ७ सखुअवा धमौरा स्थित श्री रुपा नेपाली पाल माध्यमिक विद्यालयमा पुरस्कार वितरण तथा सम्मान कार्यक्रम सम्पन्न भएको छ । बिधालयले आयोजना गरिएको कार्यक्रममा सोहि बिधालयका प्रधानाध्यापक धमेन्द्र प्रसाद सिंहले स्वागत मन्तव्य राख्नु भएको थियो ।
नगर प्रमुख कुर्मीले कार्यक्रममा बोल्दै स्थानीय शैक्षिक विकासको महत्त्वमा जोड दिनुभएको थियो र विद्यालयको शैक्षिक गुणस्तर उकास्न नगरपालिकाले हर सम्भव सहयोग गर्ने प्रतिवद्धता जनाउनु भएको थियो । यस अवसरमा विद्यालयका १ देखि १० कक्षासम्मका प्रथम, दुतिय र तृतिय साथै विभिन्न विधाका उत्कृष्ट विद्यार्थीहरूलाई पुरस्कार वितरण गरिएको थियो । उत्कृष्ट शैक्षिक प्रदर्शन, खेलकुद, सांस्कृतिक गतिविधि लगायतका क्षेत्रमा छात्रछात्राहरूलाई सम्मानित गरिएको थियो । कार्यक्रममा उपस्थित प्रमुख अतिथि नगर प्रमुख कुर्मीले विद्यार्थीहरूको उत्साहवर्धन गर्दै उनीहरूलाई अझ उज्जवल मेहनत र लगनशीलताका साथ अघि बढ्न प्रेरित गरेका थिए ।
कार्यक्रममा विद्यालयका प्रधानाध्यापक, शिक्षक(शिक्षिका, अभिभावकहरू, तथा स्थानीय समाजसेवीहरूको उपस्थिति रहेको थियो । प्रधानाध्यापकले विद्यालयको प्रगति र विद्यार्थीहरूको सफलताबारे रिपोर्ट प्रस्तुत गर्दै आगामी दिनहरूमा विद्यालयले अझ उत्कृष्टता हासिल गर्ने प्रतिबद्धता जनाएका थिए । समारोहमा स्थानीय कलाकारहरूले सांस्कृतिक कार्यक्रम प्रस्तुत गर्दै उपस्थित दर्शकहरूलाई मनोरञ्जन प्रदान गरेका थिए ।
नगर प्रमुखले विद्यालयका भौतिक संरचना सुधार र शैक्षिक गुणस्तर उन्नयनका लागि नगरपालिका तर्फबाट सहयोग प्रदान गर्ने आश्वासन पनि दिएका थिए । यस कार्यक्रमले विद्यार्थीहरूको मनोबल उच्च राख्न, शिक्षा प्रति गहिरो लगाव र प्रतिबद्धता उत्पन्न गर्न महत्वपूर्ण भूमिका खेलेको सहभागीहरूले बताए । कार्यक्रममा बृन्दावन नगरपालिकाको वार्ड नं ७ का वडाअध्यक्ष जगरनाथ प्रसाद भेडिहर, प्रमुख प्रशासकिय अधिकृत खिम बहादुर भुजेल , बिधालयका प्रधानाध्यापक लगायत स्थानिय भद्रभलादमि मानिसहरुको उपस्थिती रहेको थियो ।
