रमेश कुमार यादब
साउन १३, रौतहत
रौतहट जिल्लाको चन्द्रपुरमा ’आफ्नो व्यवसाय सुरु तथा सुधार गर्नुहोस शीर्षकको १० दिने तालिम सम्पन भएको छ । सफल उद्यमशीलता व्यवसाय परामर्श तथा तालिम केन्द्र प्रा.लि. गोडैता सर्लाहीद्वारा आयोजना गरिएको ’आफ्नो व्यवसाय सुरु तथा सुधार गर्नुहोस’ शीर्षकको १० दिने प्रशिक्षक प्रशिक्षण तालिम चन्द्रपुरमा सम्पन्न भएको छ । मनोज कुमार साहको अध्यक्षतामा आयोजित उक्त कार्यक्रमको प्रमुख अतिथि गढिमाई नगरपालिकाका नगर प्रमुख श्याम प्रसाद यादव रहनु भएको थियो भने विशिष्ट अतिथिमा मास्टर ट्रेनर अर्जुन प्रसाद भट्टराई रहेका थिए ।
कार्यक्रममा विभिन्न क्षेत्रका उद्यमी, व्यवसायी, र इच्छुक व्यक्तिहरूको उत्साहजनक सहभागिता रहेको थियो । प्रमुख अतिथि नगर प्रमुख यादवले तालिमको महत्वबारे चर्चा गर्दै यस किसिमका तालिमले नयाँ उद्यमीहरूलाई आफ्नो व्यवसायलाई सुदृढ बनाउन महत्वपूर्ण योगदान पुर्याउने विश्वास व्यक्त गर्नु भएको थियो ।
यस प्रकारका तालिमले ब्यवसायि गर्ने नयाँ उद्धमिहरुलाई कुन तरिकाबाट, कसरी, गर्दा राम्रो आम्दानी हुने भने शिप सिकाउँदा अव ब्यापारमा नयाँ उर्जा थपिने बिश्वास लिएको नगर प्रमुख यादबले बताउनु भएको थियो । तालिमको दौरान, सहभागीहरुले व्यवसाय सुरु गर्ने तरिका, योजना बनाउने, वित्त व्यवस्थापन, बजारको अध्ययन, ग्राहक सेवा, र व्यवसायको दिगोपनाका विभिन्न पक्षबारे व्यापक ज्ञान प्राप्त गरेका बताउनु भयो । “यो तालिमले यहाँका व्यवसायीहरुलाई नयाँ दृष्टिकोण प्रदान गर्नेछ र उनीहरुको व्यवसायलाई नयाँ उचाईमा पु¥याउनेछ।
“ यस प्रकारका तालिमहरुले स्थानीय समुदायमा स्वरोजगार सिर्जना गर्न महत्वपूर्ण भूमिका खेल्ने र आर्थिक समृद्धिमा योगदान पु¥याउने अपेक्षा गरिएको छ । साथै, विशिष्ट अतिथि भट्टराईले तालिमको अवधारणाबारे विस्तृत जानकारी दिँदै प्रशिक्षणको क्रममा भएका विभिन्न गतिविधिहरू र सिकाइका विधिहरूबारे बताउनु भएको थियो ।तालिममा सहभागीहरूले विभिन्न व्यवसायिक योजना, वित्त व्यवस्थापन, बजार अनुसन्धान, ग्राहक सेवा, र नवप्रवर्तनशील सोचबारे ज्ञान हासिल गरेका छन् ।
साथै, तालिमको अन्त्यमा सहभागीहरूलाई प्रमाणपत्र वितरण गरिएको थियो ।कार्यक्रममा मकवानपुर जिल्लाका कैलाश गाउँपालिकाको वार्ड नं. ७ का वडा अध्यक्ष उदास कुमार भोलन ,गढीमाई नगरपालिकाको प्रमुख प्रकाशकिय अधिकृत श्रीदेव यादब ,स्थानीय समुदायका अगुवा, विभिन्न संघसंस्थाका प्रतिनिधि, र सञ्चारकर्मीहरूको उपस्थिति रहेको थियो भने कार्यक्रमलाई सन्चालन चैन किसोर राउतले गर्नु भएको थियो । सहभागीहरूले तालिमलाई प्रभावकारी र उपयोगी मानेका छन् र आगामी दिनमा यस किसिमका तालिमहरू अझै बढी आयोजना गरिनुपर्ने आवश्यकता रहेको बताएका छन्।
