रमेश कुमार यादब
भदौं २०, रौतहट
रौतहट जिल्लाको कटहरिया स्थित विवाह भवनमा रेडियो क्षेत्रमा आवद्ध सक्रिय श्रोताहरूको नयाँ संगठनको रुपमा मधेस रेडियो श्रोता संघ गठन भएको छ । यस संगठनको उद्देश्य रेडियोका श्रोताहरुलाई एकत्रित गरी उनीहरूको हकहितको रक्षा गर्नु तथा रेडियो कार्यक्रमको गुणस्तर सुधारमा योगदान पु¥याउनु रहेको छ ।
उक्त संघ गठन कार्यक्रम अत्यन्तै उत्साहजनक र भव्य रूपमा सम्पन्न भएको थियो । बैठकमा दिपेन्द्र प्रसाद यादवको अध्यक्षतामा १७ सदस्यीय समिति गठन गरिएको छ । यस संघको संरक्षकको भूमिकामा दिपेन्द्र यादव रहनु भएको छ भने संस्थापक अध्यक्षको रुपमा राजेश्वर ठाकुर (बिरेन्द्र) चयन हुनु भएको छ । नव गठित संघको नेतृत्वमा रामबाबु साह अध्यक्ष चयन हुनुभएको छ भने उपाध्यक्षमा सुमिन्त्रा देवी र कोषाध्यक्षमा गोबिन्द ठाकुर सर्वसम्मत रूपमा चयन भएका छन् ।
सचिव पदमा रामसेवक ठाकुर र सह(सचिवमा राजाराम साह रहेका छन् । यस नयाँ समितिमा १७ सदस्यीय टोली चयन गरिएको छ, जसमा विभिन्न क्षेत्रका प्रतिष्ठित व्यक्तिहरूलाई समेटिएको छ । गठन समारोहका अवसरमा नव निर्वाचित सदस्यहरुलाई विशेष स्वागत कार्यक्रमको आयोजना गरिएको थियो ।
सदस्यहरुलाई फुलमाला र दोसाला ओढाएर सम्मान गरिएको थियो । यस अवसरमा समुदायका विभिन्न प्रतिष्ठित व्यक्तिहरू, श्रोताहरू, तथा रेडियो क्षेत्रका पुराना व्यक्तित्वहरूको उपस्थिति थियो । संगठनको कार्यसमितिमा विभिन्न क्षेत्रका प्रतिनिधिहरूलाई एकत्रित गरिएका थिए जसले रेडियोको क्षेत्रमा योगदान पु¥याउने र श्रोताको आवाजलाई बुलन्द र सशक्त बनाउने कार्य गर्ने छन् ।
नवगठित समितिले भविष्यमा रेडियो श्रोताहरुको आवाजलाई थप प्रभावकारी बनाउने र रेडियो स्टेशनसँग प्रत्यक्ष संवाद बढाउने योजना अघि सारेको छ ।समारोहमा वक्ताहरूले संघको स्थापना मधेस क्षेत्रका श्रोताहरूको हकहितका लागि महत्वपूर्ण कदम भएको बताएका थिए ।.साथै, आगामी दिनमा रेडियो क्षेत्रको विकास, श्रोताहरूको समस्याहरूको समाधान र श्रोताहरूको सहभागिता बढाउन संघले विविध कार्ययोजनाहरू अगाडि बढाउने प्रतिबद्धता जनाएको छ ।
त्यति मात्र नभएर बैठकमा उपस्थित सदस्यहरूले रेडियोको महत्त्व, यसको सामाजिक प्रभाव, तथा श्रोताहरूको भूमिकाका बारेमा छलफल समेत गरेका थिए । साथै, आगामी दिनमा रेडियो श्रोताहरूसँग सम्बन्धित विभिन्न कार्यक्रमहरू रउ जनचेतनामूलक गतिविधिहरू सञ्चालन गर्ने र समाज बालबालिकाहरुको बृद्धिबिकासको लागी झन रमाईलो र मनोभाव बुझने खालको कार्यक्रमहरु ल्याउने भनि निर्णय पनि गरिएको छ ।
यो संघले भविष्यमा मधेस क्षेत्रका श्रोताहरूलाई एकजुट गर्दै रेडियो माध्यमलाई अझ प्रभावकारी बनाउन, जनचेतना फैलाउन र समाजसेवामा योगदान पु¥याउने विश्वास व्यक्त गरिएको छ। संगठनले आफ्नो पहिलो औपचारिक कार्यक्रम चाँडै नै गर्ने योजना बनाएको छ जसमा सदस्यहरूको परिचय, आगामी कार्ययोजना तथा रेडियो श्रोताहरूसँगको सम्बन्धलाई थप सुदृढ बनाउने विषयमा छलफल हुने नव गठित मधेस रेडियो श्रोता संघको अध्यक्ष रामबाबु साहले जानकारी दिएका छन ।
उक्त कार्यक्रममा प्रकाश पुजारी, सोनु बेदरदी, दिपेन्द्र कुमार यादब, शेख बुधाई , अनेश सहनी लगायत बिभिन्न संचारक्षेत्रहरुसंग आबद्ध संचारकर्मिहरुको उपस्थिती रहेको थिया
