पवन कुमार उपाध्याय
असोज ०३, रौतहट
रौतहटमा बिहिबार एकै दिन अलग अलग स्थानमा दुर्घटना हुँदा दुबै जनाको मृत्यु भएको हो । रौतहट जिल्लाको मध्यभागमा अवस्थित तथा ब्यापारिक नगरी भनि चिनिने गरुडा नगरपालिकाको वार्ड नं.४ गरुडामा चन्द्रपुर(गौर सडक खण्डमा मयुरीले पैदल यात्रुलाई ठोकर दिदा गभिर घाईते बनाएका थिए । ठक्कर दिएर गम्भिर घाईते बनाएका गढिमाई नगरपालिका निवासि तथा हाल गरुडा नगरपालिका-४ गरुडामा बसोबास गर्ने राम साह रौनियारलाई स्थानियहरुले उपचारको लागी गरुडा स्थित रहेको हेल्थ ल्याण्ड हस्पिटल पुरयााएका थिए ।
तर अवस्था गम्भिर रहेका कारण समान्य उपचार पश्चात थप उपचारको लागी बिरंगज रेफर गरिएको थियो । बिरगंज लैजादै क्रममा गम्भिर घाईते भएका रौनियारको बाटोमा नै मृत्यु भएको ईलाका प्रहरी कार्यालय गरुडाले जानकारी दिएका छन । साथै ठक्कर दिएर गम्भिर घाईते बनाई भागेका मेयुरी चालक र म.प्र.०३(००१ ह ३४१४ नम्बरको मयुरीलाई नियन्त्रणमा लिई थप अनुसन्धान गरिरहेको बताए ।
त्यसतै रौतहटमा मोटरसाइकल दुर्घटनामा परि एक जनाको मृत्यु भएको छ । जिल्लाको कटहरिया बजार देखि पश्चिम लालबकैया पुल पारी कटहरिया गम्हरीया सडक खण्डमा मोटरसाइकलबाट दुर्घटना हुँदा कटहरिया नगरपालिका वडा नम्बर ९ डुमरीया बस्ने सिकदेव पासवानको छोरा अन्दाजि २५ वर्षिय रामजनम पासवानको मृत्यु भएको छ । मृतक पासवानले आफ्नो दिदी घर बाराको सिसवा सोनाहा जादै थियो ।
कटहरिया गम्हरी सडक खण्ड स्थित लालबकैया पुल पारी मधेश प्रदेश ०३(०२८प ४९४१ नम्बरको अपाचे मोटरसाइकल आफै अनियन्त्रित हुँदा दुर्घटना भएको ईलाका प्रहरी कार्यालय कटहरियाले जनाएको छ । मृत्यु पासवानलाई पोस्टमार्टमको लागी गौर पठाइएको समाचार श्रोतले जनाएको छ । ज्यान गुमाएको पासवानको विहे भइसकेको छ भने करिब १ वर्षको छोरा समेत रहेको छ ।
