रौशन कुमार चौधरी
कार्तिक ०५, रौतहट
रौतहट जिल्लाको गरुडा नगरपालिका वडा नं. ४ मा अवस्थित हेल्थ ल्याण्ड हस्पिटलमा युएसएआईडी (ग्क्ब्क्ष्म्) अन्तर्गतको एआरएच (ब्मयभिकअभलत च्भउचयमगअतष्खभ ज्भबतिज) कार्यक्रमको अनुगमन तथा निरीक्षण गरिएको थियो । अनुगमन कार्यक्रममा गरुडा नगरपालिकाका नगर प्रमुख कन्थमणि प्रसाद जैसवाल, जिल्ला समन्वय समितिका सभापति रामअयोध्या यादव, युएसएआईडी एआरएचका चिफ अफ पार्टी, एमईएल डाइरेक्टर, मधेश प्रदेशका कोअर्डिनेटर, र अन्य सम्बन्धित कर्मचारीहरू अनुगमन कार्यक्रममा सहभागी जनाएका थिए ।
कार्यक्रमको मुख्य उद्देश्य किशोर किशोरीहरूको यौन तथा प्रजनन स्वास्थ्य सम्बन्धी सचेतना फैलाउने र परिवार नियोजनको महत्वबारे जानकारी गराउने रहेको थियो । विशेष गरी, किशोर किशोरीहरूलाई यौन स्वास्थ्यको विषयमा सही जानकारी दिनुका साथै उनीहरूको स्वास्थ्य सुधार गर्न र प्रजनन स्वास्थ्यमा सुधार ल्याउने प्रयास गरिएको छ। अनुगमन टोलीले हेल्थ ल्याण्ड हस्पिटलमा प्रदान गरिने सेवाहरूको गुणस्तर, उपलब्धता, र सेवाग्राहीहरूको अनुभवको अध्ययन गरेको थियो। कार्यक्रमका क्रममा किशोर किशोरीहरूका लागि उपलब्ध गराइने परामर्श सेवाहरू, स्वास्थ्य शिक्षा, र परिवार नियोजनका सामग्रीहरूको वितरणमा ध्यान केन्द्रित गरिएको थियो ।
नगर प्रमुख कन्थमनि प्रसाद जैसवालले यस्तो कार्यक्रमले किशोर किशोरीहरूलाई स्वस्थ भविष्य निर्माण गर्न महत्वपूर्ण योगदान पु¥याउने विश्वास व्यक्त गरेका थिए । विशेषगरी किशोर किशोरीहरूलाई यौन तथा प्रजनन स्वास्थ्य सम्बन्धी जानकारी प्रदान गर्दै परिवार नियोजनमा सुधार ल्याउने उद्देश्यले सञ्चालन भइरहेको छ । उनले किशोर किशोरीहरूलाई यौन शिक्षा र प्रजनन स्वास्थ्यका विषयमा सही जानकारी दिनुपर्नेमा जोड दिँदै यो कार्यक्रमलाई थप विस्तार र प्रभावकारी बनाउन हस्पिटलका डा.राकेश चौधरीलाइई आग्रह समेत गरेका थिए भने सहभागीहरूले हेल्थ ल्याण्ड हस्पिटलमा उपलब्ध गराइरहेको सेवा, परामर्शदाताहरूको दक्षता, औषधि वितरण प्रक्रिया, र स्वास्थ्य परामर्शको गुणस्तरको निरीक्षण गरेका थिए ।
साथै, किशोर किशोरीहरूका लागि सुरक्षित र गोप्य सेवा उपलब्ध गराउन अस्पतालको भौतिक संरचना तथा सेवा प्रणालीको अनुगमन गरिएको थियो ।। जिल्ला समन्वय समितिका सभापति रामअयोध्या यादवले पनि यो कार्यक्रमले किशोर किशोरीहरूको स्वास्थ्य सुधारमा महत्वपूर्ण भूमिका खेल्ने र जनचेतना अभिवृद्धि गर्न मद्दत पु¥याउने बताए । वहाँले भने यस्तो सेवा निरन्तर रूपमा
प्रभावकारी ढंगले सञ्चालन गरि राख्नुपर्ने र युवाहरूको स्वास्थ्यप्रति सजग हुनुपर्ने कुरामा जोड दिएका थिए ।
यो अनुगमनको निष्कर्षस्वरूप केही सुधारका सिफारिसहरू गरिएको छ जसमा स्वास्थ्यकर्मीहरूको क्षमता अभिवृद्धि, सेवा प्रदायकहरूको नियमित तालिम तथा किशोर किशोरीहरूका लागि थप गोप्य तथा मैत्रीपूर्ण सेवाहरू प्रदान गर्नुपर्ने आवश्यकतामा जोड दिइएको छ । अभियान नेपालका प्रतिनिधिहरूले किशोर किशोरीहरूको यौन र प्रजनन स्वास्थ्यमा ध्यान दिनुपर्ने आवश्यकता बारे जानकारी गराउँदै, किशोर अवस्थामै यस्ता सेवाहरू प्राप्त गर्नु उनीहरूको भविष्य स्वास्थ्यको लागि महत्वपूर्ण हुने बताए ।
युएसएआईडी एआरएच कार्यक्रमले नेपालका विभिन्न क्षेत्रहरूमा यौन स्वास्थ्य र परिवार नियोजनका बारेमा सचेतना अभिवृद्धि गर्दै किशोर किशोरीहरूको स्वास्थ्यमा सकारात्मक प्रभाव पार्ने लक्ष्य राखेको छ । कार्यक्रममा हस्पिटलका प्रशासकिय अधिकृत संजय चौधरी, मधेश प्रदेशको कोडिनेटर बिजय झा, एमईल डाईरेक्टर बिदुर बास्तोला, चिफ अफ पार्टी सुजेन रैर , अभियान नेपाल एक्सक्युटिभका डाईरेक्टर शत्रुधन सिंह ,किशोर किशोरी मैत्री सेवा कार्यक्रमका प्रतिनिधिहरू, स्वास्थ्य शाखाका प्रमुख, स्थानीय स्वास्थ्यकर्मीहरू तथा साझेदार संस्था अभियान नेपालका प्रतिनिधि एवं कर्मचारीहरूको सहभागिता रहेको थियो।
