रमेश कुमार यादब
कार्तिक १८, रौतहट
हाम्रो बचत तथा ऋण सहकारी संस्था लिमिटेडले दीपावली तथा छठ पर्वको शुभ अवसरमा शुभकामना अदानप्रदान कार्यक्रमको आयोजना गरी धुमधामसंग मनाएको छ। आइतबार गरुडामा सम्पन्न कार्यक्रममा संस्था अध्यक्ष रामजि साहको अध्यक्षतामा सहकारीका सदस्यहरू, शुभेच्छुकहरू, तथा विभिन्न क्षेत्रका प्रतिनिधिहरूको उपस्थिति रहेको थियो ।
कार्यक्रममा उपस्थित सबैलाई परम्परागत तरिकाले फूलमाला, टीका र मिठाई खुवाएर एक(अर्कामा शुभकामना आदानप्रदान गरिएको थियो । संस्थाको अध्यक्ष रामजि साहले शुभकामना मन्तव्य राख्दै यस्ता पर्वले समुदायमा आपसी एकता र भाइचारा कायम गर्न महत्त्वपूर्ण भूमिका खेल्ने बताएका थिए । उनले सहकारीको सदस्यहरू बीच एकता, सहयोग र भाइचाराको भावना सुदृढ गर्दै अघि बढ्नुपर्नेमा जोड दिएका थिए ।
कार्यक्रमका अन्य वक्ताहरूले पनि सहकारी संस्थाले दीर्घकालीन लक्ष्यहरू प्राप्त गर्न एकता र सहकार्यको आवश्यकता रहेको बताए । सदस्यहरूले संस्थाको प्रगति र विस्तारका लागि आफ्नो योगदान दिनुपर्ने उल्लेख गर्दै सहकारीको सफलताको लागि शुभकामना व्यक्त गरे।
त्यसतै कार्यक्रममा नि.अध्यक्ष हरेन्द्र प्रसाद जैसवाल, नेता राम भरोस यादब, गरुडा मेयर प्रत्याशि बृजकिशोर यादब लगायतले दिपावली र छठ पर्वले नेपाली समाजमा एकता र सद्भाव ल्याउने बताएका थिए । कार्यक्रममा मनोरञ्जनका लागि सांस्कृतिक प्रस्तुति समेत राखिएको थियो, जसले उपस्थित सबैलाई रमाइलो वातावरण प्रदान गरेको थियो ।
यसैगरी, कार्यक्रमको अन्त्यमा सहकारीका पदाधिकारीहरुले आगामी दिनमा सहकारीलाई अझ प्रभावकारी बनाउँदै लैजाने योजनाबारे पनि जानकारी गराए। उपस्थित सबैले कार्यक्रमलाई सकारात्मक दृष्टिकोणले हेरिएको र यस्ता गतिविधिले सहकारीलाई थप गतिशील बनाउने विश्वास व्यक्त गरेका थिए ।
