रमेश कुमार यादब
कार्तिक २१, रौतहट
रौतहटको चन्द्रपुर नगरपालिकामा चन्द्रबिन्दु बिकास नेपालले छठ पर्वको अवसरमा गरिब तथा दलित समुदायलाई कपडा वितरण कार्यक्रम सम्पन्न गरेको छ । चन्द्रबिन्दु विकास नेपाल चन्द्रपुरद्वारा छठ पर्वको अवसरमा आयोजित एक कार्यक्रमका बीच गरिब, दलित, सुकुम्वासी, भूमिहीन, शोषित र पीडित वर्गका परिवारलाई कपडा वितरण गरिएको छ । चन्द्रपुर नगरपालिका वार्ड नं. १०, बिनवाटोलस्थित चन्द्रबिन्दु विकास नेपाल रौतहटले आयोजना गरेको यस कार्यक्रमले समाजका विपन्न तथा उपेक्षित वर्गका परिवारहरूलाई राहत प्रदान गर्ने उद्देश्य राखेको थियो ।
कार्यक्रमका प्रमुख अतिथि चन्द्रपुर नगरपालिका वार्ड नं. १० का वडाध्यक्ष टन्केश्वर चौधरी हुनुहुन्थ्यो भने विशिष्ट अतिथि पूर्व वडाध्यक्ष जयराम चौधरी र समाजसेवी दीपक मिश्र रहनु भएको थियो । प्रमुख अतिथि चौधरीले यस्ता सामाजिक कार्यले समाजमा एकता, सद्भाव र सहयोगको भावना वृद्धि गर्ने बताउनु भएको थियो । उहाँले चन्द्रबिन्दु विकास नेपाल तथा यसको समर्पित पदाधिकारीहरूलाई धन्यवाद ज्ञापन गर्दै समाजका अन्य व्यक्ति तथा संस्थाहरू समेत यस्ता जनहितकारी कार्यहरूमा सक्रिय हुनुपर्नेमा जोड दिनु भएको थियो ।
साथै समाजसेवी कार्यहरूले स्थानीय स्तरमा सकारात्मक प्रभाव पार्ने विश्वास व्यक्त गर्नुभयो। उहाँले यस्ता कार्यहरूलाई थप प्रोत्साहन गर्नुपर्ने र समुदायका लागि सेवा गरिरहेका संस्थालाई नगरपालिकाको तर्फबाट समेत सहयोग गर्ने प्रतिवद्धता व्यक्त गर्नु भएको थियो । त्यसतै कार्यक्रमको विशिष्ट अतिथि जयराम चौधरीले पनि यो कार्यक्रमले समाजमा समावेशी भावना प्रवर्द्धन गर्ने भन्दै संस्थाको प्रयासलाई सराहना गर्नुभयो। समाजसेवी दीपक मिश्राले पनि आफ्नो मन्तव्य राख्दै यस्ता कार्यक्रमहरूले आर्थिक र सामाजिक रूपमा कमजोर समुदायलाई राहत दिने मात्र नभई समाजमा सन्देश पुर्याउने काम गरेको बताउनु भएको थियो ।
त्यसतै सोहि कार्यक्रमको अध्यक्षता ग्रहण गर्नु भएका रामकिशोर साहले भने यस्ता प्रेरणादायक कार्यले सम्पुर्ण मानिसहरुको मन मुटुमा बसेर राज गर्न सफल भएका छन । यति मात्र नभएर आउँदो दिनमा यस्ता कार्य गर्न अझै आग्रह गर्दै अगामी दिनमा सबै जनाको साथसहयोग रहने प्रतिबद्धता जनाउनु भएको थियो । छठ पर्वको अवसरमा वितरण गरिएका कपडाहरूमा प्रमुखतः साडी सेटहरू रहेका थिए, जसलाई एक सय भन्दा बढी दलित तथा गरिब परिवारका छठ व्रतालु महिलाहरूलाई प्रदान गरिएको थियो ।
संस्था अध्यक्षले यस कार्यक्रमले छठ पर्वमा केही राहत मिल्ने र पर्व मनाउन सहयोग पुग्ने विश्वास व्यक्त गर्नुभयो । कार्यक्रम सञ्चालनमा स्थानीय युवाहरूले पनि सहयोग पु¥याएका थिए ।कार्यक्रममा सहभागीहरूले छठ पर्व जस्तो महत्वपूर्ण संस्कारलाई सँगै मनाउन पाउँदा खुशी व्यक्त गरेका थिए ।
साथै, यस्ता सहयोग कार्यक्रमले समाजका उपेक्षित र असहाय वर्गको आत्मसम्मान वृद्धि गर्न मद्दत पुग्ने बताइएको थियो । कार्यक्रममा बच्चु साह, कासि राय यादब, शुभनरायण चौधरी, छविलाल पटेल, नेपाली काग्रेशका युवा नेता डा.दिनदयाल पटेल, चन्द्रबिन्दु बिकास नेपालको कार्यकारी निर्देशक सुनिल पासवान लगायत सम्पुर्ण पदअधिकारीहरुको उपस्थिती रहेका थिए ।
