आरएन पटेल
कार्तिक २४,रौतहट
बौधिमाई नगरपालिकाको इनर्वा नदीपारीमा जारी क्रिकेट टुर्नामेन्टमा इनर्वा ’क’ टिम बिजय भएको छ। नगरपालिकाको वडा नं. २ इनर्वा नदीपारीमा जारी क्रिकेट टूर्नामेन्टमा शुक्रबार भएको फाईनल खेलमा बौधीमाई नपा– २ इनर्वा ’क’ (नदिवारी) टिम र आयोजक इनर्वा नदीपारी टीम बिच भएको प्रतिस्पर्धामा आयोजक नदीपारी टिमलाई हराउँदै इनर्वा ’क’ टिम बिजयी भएको हो ।
गत कार्तिक ११ गते आइतबारका दिन नगरपालिकाको वडा नं. २ इनर्वा ख नदीपारी लालबकैया नदी छेउमा रहेको फिल्डमा उक्त खेल सुरू भएको थियो । खेलको विभिन्न चरणहरु पूरा गर्दै सफलता प्राप्त गरेर फाईनल खेलमा पुगेका इनर्वा क टिम र आयोजक इनर्वा नदीपारी टिम बिच भएको फाइनल खेलको प्रतिस्पर्धामा आयोजक टिमलाई पछ्याउदै इनर्वा क टिम ४६ रनले बिजयी हात पारेका छन । आयोजक टीमले टच जितेर पहिले बैटिङ गर्न इनर्वा टीमलाई दिइएकोमा निर्धारित १६ ओभरको खेलमा इनर्वा ’क’ टिमले ७ विकेट गुमाउदै १ सय ४८ रन बनाएका थिए ।
जितको लागि १ सय ४९ रनको लक्ष्य पाएका आयोजक टिमले दोस्रो इनिंगमा निर्धारित १६ ओभरमा सम्पूर्ण विकेट (१० बिकेट) गुमाएर मात्र १ सय ३ रन बनाई हार व्यहोर्नु परेको थियो । उक्त भएको खेलमा प्रथम भएको इनर्वा ’क’ टिमलाई कप,शिल मेडल र नगद ३ हजार सहित बौधिमाई नगरपालिका – २ इनर्वा निवासी समाजवादी युवा संघ नेपालको केन्द्रीय महासचिव तथा स्थानीय युवा नेता दिलीप कुमार पटेल ( राजकिशोर पटेल )ले सम्मान गरेका हुन।
साथै दोस्रो भएका प्रतियोगिताको आयोजक इनर्वा नदी पारी टिमलाई कप, शिल,मेडल र नगद १ हजार ५ सय दिएर पटेलले सम्मान गरेका हुन / खेलप्रति आफ्नो गाउँको युवाहरुको मनोबल बढाउन आफु सक्दो जुनसुकै समयमा सहयोग गर्ने वहाले बताउनु भयो।
यस्ता कार्यक्रम सञ्चालन भए संगै खेलाडीहरूलाई अगाडि बढन सहयोग भएको तथा यस खेलमा उहाँबाट भएको सहयोग प्रति उच्च सम्मान सहित आयोजक सम्पूर्ण खेलाडीहरूले धन्यवाद ज्ञापन समेत गरेका हुन । कार्यक्रममा गाउँका भद्रभलादमी, समाजसेवी, खेलप्रति उत्सुकता राख्ने दर्शकहरु लगाएतका व्यक्तिहरूको सहभागीता रहेका थिए ।
