रमेश कुमार यादब
मंसिर ०१, रौतहट
रौतहट जिल्लाको गढीमाई नगरपालिकाको वार्ड नं. १, समनपुर स्थित ग्यालेक्सी पब्लिक स्कुल र गोल्डेन पब्लिक स्कुलबीच फ्रेन्डसिप क्रिकेट मैच सम्पन्न भएको छ। अत्यन्तै रोमाञ्चक खेलमा ग्यालेक्सी पब्लिक स्कुलले ६१ रनको फराकिलो जित दर्ता गर्दै विजयी बनेको छ। खेलको प्रारम्भमा गोल्डेन पब्लिक स्कुलले टस जितेर फिल्डिङ गर्ने निर्णय ग¥यो। ग्यालेक्सी पब्लिक स्कुलका खेलाडीहरूले शुरुवाती दबाबलाई सामना गर्दै उत्कृष्ट प्रदर्शन गरे।
टोलीले २० ओभरमा ११७ रनको लक्ष्य प्रस्तुत गरे। ग्यालेक्सीका प्रमुख खेलाडी सलमान अन्सारीले आफ्नो आक्रामक ब्याटिङ शैलीमार्फत २२ रन जोडे भने बलिङमा पनि ३ विकेट लिएर उत्कृष्ट प्रदर्शन गरे। जवाफी ब्याटिङमा उत्रिएको गोल्डेन पब्लिक स्कुलको टोली ग्यालेक्सीका बलरहरूको आक्रमणको सामना गर्न असफल रह्यो।
टोली जम्मा ४७ रनमै समेटिएर पराजित भयो। ग्यालेक्सीका बलरहरूको धारिलो प्रदर्शन र फिल्डरहरूको समर्पणले जित सुनिश्चित ग¥यो। खेलको समापनमा म्यान अफ द म्याचको उपाधि सलमान अन्सारीलाई प्रदान गरियो। उनले २२ रन बनाउनुका साथै ३ विकेट लिएर उत्कृष्ट प्रदर्शन गरेका थिए। खेल आयोजनामा दुबै विद्यालयका शिक्षक, विद्यार्थी, र अभिभावकहरूको सहभागिता थियो ।
ग्यालेक्सी पब्लिक स्कुलका एकाउन्टेन्ट रितेश साहले खेलको सफल आयोजनका लागि धन्यवाद व्यक्त गर्दै यस प्रकारका फ्रेन्डसिप मैचहरूले विद्यार्थीहरूबीचको मित्रता, सहकार्य, र खेल भावना अभिवृद्धि गर्न ठूलो योगदान पु¥याउने विश्वास व्यक्त
गरे। दुवै विद्यालयले भविष्यमा पनि यस्ता कार्यक्रमहरूलाई निरन्तरता दिने प्रतिवद्धता व्यक्त गरेका छन्।
