रमेश कुमार यादब
पुुुस १०, रौतहट
गरुडा नगरपालिकाका नगर प्रमुख कन्थमनी प्रसाद जैसवालले नगरभित्र रहेको सडकहरुमा राखिएका अबैध संरचनाहरु हटाउने अभियानलाई तीव्र बनाएका छन् । नगर प्रमुख जैसवाल स्वयम् उपस्थित भई स्थानीयहरूसँग समन्वय गर्दै सडकको बीचबाट हटाउन पहल गरिरहेका छन् । अहिले गरुडा नगरपालिका वडा नं. ३, मलाहिटोलको मुख्य गेटदेखि पश्चिमतर्फ पेटूोल पम्पअगाडि रहेको पुलसम्मको सडकलाई दुबैतिरबाट २१÷२१ फिट खाली गराउने काम भइरहेको छ ।
यस अभियानले सो क्षेत्रका सडकहरु फराकिलो हुने भएकाले सवारी दुर्घटना न्यूनीकरणमा महत्वपूर्ण योगदान पुग्ने र आवतजावतमा सहजता ल्याउने विश्वास लिइएको छ । नगर क्षेत्रभित्र रहेका अवैध संरचना तथा अतिक्रमण हटाउने अभियानलाई तीव्रता दिँदै उनले नगरवासीको हितमा काम गरेका छन ्। स्थानियहरु यो कार्यप्रति निकै उत्साहित र हर्षित भएका छन् । सडकलाई व्यवस्थित बनाउँदा यातायात सहज हुने र नगरको समग्र स्वरुप पनि सुधारिने कुरामा उनीहरुको विश्वास छ ।
यसअघि, गरुडा नगरपालिकाको वडा नं. ९ रघुनाथपुरस्थित विद्यालयको नाममा रहेको ६ का ५ धुर जमिन खाली गराइएको थियो । उक्त जमिन विद्यालयको लागि आवश्यक पर्ने र त्यहाँ अब विद्यालय भवन निर्माण गर्ने योजना रहेको जनाइएको छ । त्यसपछि, गरुडा नगरपालिकाको वडा नं. ४ स्थित गरुडा बजार क्षेत्रमा सडकका किनारमा राखिएका सामग्री हटाउन १५ दिनको समयसीमा दिएर पुर्जी काटिएको छ ।
यो सूचनाको पालना नगर्ने संरचनाहरुविरुद्ध थप कारवाही गरिने नगरपालिकाले चेतावनी दिएको छ । नगर प्रमुख जैसवालको नेतृत्वमा गरुडा नगरपालिकाले यस किसिमका अभियानलाई प्राथमिकता दिएको छ, जसले नगरलाई व्यवस्थित, सुन्दर, र सुरक्षित बनाउने उद्देश्य राखेको छ ।
अबैध संरचना हटाउने यो अभियानले नगरपालिकाको विकासमा टेवा पु¥याउने अपेक्षा गरिएको छ । स्थानीयहरुले नगरपालिकाको यो सराहनीय कार्यको खुलेर प्रशंसा गर्दै यसलाई निरन्तरता दिन आग्रह गरेका छन् । सार्वजनिक स्थललाई व्यवस्थित बनाउँदै दुर्घटना न्यूनीकरण र यातायातमा सहजता ल्याउन सबैले आफ्नो तर्फबाट सहयोग गर्नुपर्ने आवाज उठेको छ।
