रमेश कुमार यादब
माघ ०१, रौतहट
बृन्दावन नगरपालिका, वार्ड नं. ८ स्थित आकडपाथडमा शुद्ध खानेपानी टंकीको शिलान्यास भएको छ । माघे संक्रान्तिको पावन अवसरमा आयोजना गरिएको विशेष कार्यक्रममा नेकपा एसका केन्द्रीय महासचिव रामकुमार भट्टराई र बृन्दावन नगरपालिकाका नगरप्रमुख बिनोद प्रसाद कुर्मीले संयुक्त रूपमा वार्ड नं.८ र ९ को सीमा क्षेत्रमा ओभरहेड पानी ट्यांकीको शिलान्यास गर्नुभएको हो ।कार्यक्रमको सम्बोधन गर्दै महासचिव रामकुमार भट्टराईले भने यो एउटा गौरवको कुरा भएको बताउनु भयो ।
यस रौतहटमा आस्रेनिक भएका पानिले बिभिन्न मानिसहरु बिरामी पर्ने जिल्ला भएको बताउंदैं यसलाई र्निमुल गर्न पालिकाले शुद्धखाने पानी टयाकी निर्माण हुँदा सबै आमजनसमुदायका लागी अत्यन्त खुसिको कुरा रहेको बताउनु भएको थियो । साथै संचारकर्मिको प्रश्नमा लम्हा नदिमा एउटा पुल निर्माणको लागी आ.व मा पहल गर्ने प्रतिबद्धता जनाउनु भएको थियो ।
नगर प्रमुख कुर्मीले जनताको आधारभूत आवश्यकतालाई प्राथमिकतामा राख्दै खानेपानीको पहुँच पु¥याउने आफ्नो चुनावी प्रतिबद्धता अनुसार यो आयोजना सुरु गरिएको जानकारी दिनु भयो ।
उहाँले भन्नुभयो, “यो खानेपानी टंकी निर्माणले स्थानीय जनतामा शुद्ध खानेपानीको समस्या समाधान हुने विश्वास छ । हाम्रो प्राथमिकता हरेक परिवारसम्म स्वच्छ र सुरक्षित पानी पु¥याउनु हो । शुद्ध पानीको अभावले ८० प्रतिशत मानिसहरुको अकालमै ज्यान गुमाउने परेको अवस्था रहेको छ । मानिसको खानपिन सहित शुद्धपानीको धेरै नै महत्वपुर्ण भुमिका रहेको हुन्छ । त्यस कारण नगरबासिको यस समस्यालाई मध्यनजर गर्दै माघे संक्रान्तिको पावन अवसर पारि यस दुई वटा वाडका मानिसहरु प्रत्यक्ष रुपमा लाभान्वित हुने बिश्वास लिएका छन ।
“ठेक्कापट्टा प्रक्रियामार्फत ४ करोड ७५ लाख ७७ हजार रुपैयाँमा यो खानेपानी टंकी निर्माणको जिम्मा तिरुपति आकाश जेभी निर्माण कम्पनीलाई दिइएको छ । निर्माण कम्पनीले तोकिएको समयमा गुणस्तरीय काम सम्पन्न गर्ने प्रतिबद्धता जनाएको छ । ओभरहेड खानेपानी टंयाकी करिब ४ लाख ५० हजार लिटर पानी अटाउन सक्ने क्षमताको हुने पालिकाको प्रमुख प्रशासकिय अधिकृत खिम बहादुर भुजेलले बताउनु भयो ।
निर्माण कार्य सम्पन्न भएपछि यसले स्थानीय क्षेत्रमा दीर्घकालीन रूपमा शुद्ध खानेपानी आपूर्ति गर्नेछ । प्रमुख प्रशासकीय अधिकृत भुजेलले पनि आयोजनाको महत्त्वबारे प्रकाश पार्दै भन्नुभयो, “यो खानेपानी टंकी निर्माणपछि आकडपाथड र वरपरका बस्तीलाई सहज पानी आपूर्ति हुनेछ । यसले नगरपालिकाको खानेपानी वितरण प्रणाली थप प्रभावकारी र विश्वसनीय बनाउनेछ ।“स्थानीय बासिन्दाले शुद्ध खानेपानीको अभावका कारण भोग्नुपरेका समस्या अब समाधान हुनेमा खुसी व्यक्त गरेका छन् ।
उनीहरूले नगरपालिकाको यो पहललाई स्वागत गर्दै काम गुणस्तरीय र समयमा पूरा होस् भन्ने अपेक्षा व्यक्त गरेका छन् । यो आयोजनाले आकडपाथड क्षेत्रको विकासमा उल्लेखनीय योगदान पु¥याउने विश्वास गरिएको छ । नगरप्रमुख कुर्मीले आगामी दिनमा यस्तै जनमुखी योजनाहरू अघि बढाउने प्रतिबद्धता पनि व्यक्त गर्नुभएको छ । उक्त शिलान्यास कार्यक्रममा वडा नम्बर ८ का अध्यक्ष रविन्द्र साह, वडा नम्बर ९ का अध्यक्ष परवेज आलम, ३ नं.का वडाअध्यक्ष हरिनरायण साह, कार्यपालिका सदस्य राजेश पासवान (निर्माणी) वडा सदस्यहरू, रामकल्याण यादब, प्रधानाध्यापक उपेन्द्र महतो, युवा नेता संन्तोश पटेल, स्थानीय भद्रभलादमी, बुद्धिजीवी तथा मिडियाका पत्रकारहरूको उल्लेखनीय सहभागिता रहेको थिया
