रमेश कुमार यादब
माघ ०८, रौतहट
रौतहट जिल्लाको गढिमाई नगरपालिका–३ लक्ष्मीपुरस्थित मुसहर बस्तीका अति बिपन्न गरिब परिवारलाई कम्बल वितरण गरिएको छ । यो कार्यक्रम गढिमाई नगरपालिकाको विशेष पहलमा सम्पन्न भएको हो । ग्ढिमाई नगरपालिकाको नगर प्रमुख श्याम प्रसाद यादवको नेतृत्वमा र बिर दलगणका गणपति किशोर अधिकारीको सहभागितामा मुसहर बस्तीका १५० जना गरिब दलित समुदायका व्यक्तिहरूलाई कम्बल प्रदान गरिएको हो ।
गढिमाई नगरपालिका शिक्षक शाखाका कर्मचारी संजय यादवका अनुसार यो कार्यक्रम नगरपालिकाले सञ्चालन गरेको शीतलहर राहत कार्यक्र मअन्तर्गत आयोजना गरिएको हो । मंगलबार आयोजित वितरण कार्यक्रममा नगर प्रमुख यादवले अत्यधिक चिसोका कारण विपन्न परिवारहरूले भोग्नुपरेको कठिनाइलाई कम गर्न यस्तो पहल गरिएको बताए ।
“बिगत दुई हप्तादेखि रौतहट सहित मधेशका विभिन्न भागमा चिसो बढ्दो छ । यसले दैनिक ज्यालादारी गरेर जीवनयापन गर्ने परिवारहरूमा थप कष्ट थपिएको छ । तसर्थ, नगरपालिकाले चिसोबाट राहत पु¥याउने उद्देश्यले कम्बल वितरणलाई तीव्रता दिएको छ,“ उनले भने । नगर प्रमुख यादवले नगर क्षेत्रभित्र रहेका सबै अति बिपन्न परिवारसम्म राहत पु¥याउनका लागि आफ्नो टोली सक्रिय रहेको पनि जानकारी दिए ।
यस क्रममा उनले शीतलहरको सामना गर्न नगरपालिकाको तर्फबाट थप राहतका कार्यक्रम ल्याइने प्रतिवद्धता व्यक्त गरेका छन । लक्ष्मीपुर मुसहर बस्तीमा पुगेर नगर प्रमुख यादव र गणपति अधिकारीले स्वयम् कम्बल वितरण गरेका थिए । कार्यक्रममा बस्तीका स्थानीयवासीले यो सहयोगलाई अत्यन्त सराहना गरेका थिए ।
उनीहरूले दैनिक जीवनयापनमै समस्या भोगिरहेका बेला चिसोबाट जोगिन कम्बलले ठूलो राहत मिल्ने प्रतिक्रिया दिएका थिए । बिर दलगणका गणपति किशोर अधिकारीले स्थानीयवासीलाई चिसोबाट बच्नका लागि सचेत रहन र आफ्ना बालबालिकाको स्वास्थ्यप्रति विशेष ध्यान दिन आग्रह गरेका थिए । रौतहट सहित मधेश क्षेत्रमा हालैको शीतलहरले किसान, मजदुर, र गरिब समुदायलाई गम्भीर असर पु¥याएको छ ।
दैनिक ज्यालादारी गरेर गुजारा गर्ने व्यक्तिहरूले चिसोका कारण काम गर्न समस्या झेलि रहेका छन् । यस्तो अवस्थामा गढिमाई नगरपालिकाको कम्बल वितरण कार्यक्रमले विपन्न समुदायलाई राहत प्रदान गरेको हो ।गढिमाई नगरपालिकाले आगामी दिनमा पनि यस किसिमका सहयोग कार्यक्रमलाई निरन्तरता दिने जनाएको छ ।
“नगरपालिकाको दायित्व नागरिकप्रति छ । हाम्रो प्रयासले एउटा पनि व्यक्तिको ज्यान चिसोका कारण नजाओस् भन्ने उद्देश्य हो,“ नगर प्रमुख यादवले भने । कार्यक्रम सफल बनाउन नगरपालिकाका विभिन्न शाखाहरू, कर्मचारी, र स्थानीय प्रतिनिधिहरूले सहकार्य गरेका थिए । स्थानीय समुदायले यस्ता राहत कार्यक्रमलाई दिगो बनाउन नगरपालिकासँग हातेमालो गर्ने इच्छा व्यक्त गरेका छन् । गढिमाई नगरपालिका र अन्य स्थानीय निकायहरूले चिसोले गर्दा प्रभावित भएकाहरूलाई यस्तै राहतका कार्यक्रमहरू सञ्चालन गर्न निरन्तरता दिने जनाएका छन् ।
