रौतहट जिल्लाबाट चार जना प्रतिभावान सपुतहरुले पाए प्रमुख प्रशासकिय अधिकृतको जिम्मेवारी

रमेश कुमार यादब
फाल्गुन २२, रौतहट
रौतहटका चार जना योग्य र प्रतिभावान सपूतहरूलाई संघीय मामिला मन्त्रालयको मन्त्रिस्तरिय निर्णयअनुसार चार वटा स्थानीय तहका निमित्त प्रमुख प्रशासकीय अधिकृतको रुपमा नियुक्त गरिएको छ। यो निर्णय माधवनारायण, वारा महागढीमाई, राजपुर र गढीमाई नगरपालिकामा आर्थिक र प्रशासनीक कार्यहरूको प्रभावकारी सञ्चालन सुनिश्चित गर्ने उदेश्यले गरिएको हो।
नियुक्त गरिएका प्रमुख प्रशासकीय अधिकृतहरू
माधवनारायण नगरपालिकाः
इन्जिनियर नागेन्द्र यादवलाई यस स्थानमा नियुक्त गरिएको छ। उनी प्राविधिक दक्षता र प्रशासनीक अनुभवका साथ स्थानीय विकास योजनाहरूलाई द्रुत गतिमा अघि बढाउने अभिप्रायका साथ कार्यभार सम्हाल्ने अपेक्षा गरिएको छ।
बाराको महागढीमाई नगरपालिकाः
इन्जिनियर लक्ष्मण साहका नियुक्तिमा स्थानीय पूर्वाधार विकास र सेवा वितरणमा नयाँ सोच र नवीनताका साथ योजनाहरूलाई कार्यान्वयन गर्ने जिम्मेवारी तोकिएको छ। उनको कार्यशैलीलाई दक्ष र पारदर्शी रुपमा स्थानीय विकासमा योगदान पु¥याउने विश्वास गरिएको छ।
राजपुर नगरपालिका ः
अनुभवी बैंजु ठाकुरलाई प्रमुख प्रशासकीय अधिकृतको रुपमा नियुक्त गरिँदै, स्थानीय तहका योजनाहरू, बजेट व्यवस्थापन र जनसम्पर्कमा सुधार ल्याउने पहल गरिनेछ। स्थानीय तहका आवश्यकतालाई मध्यनजर
राख्दै विभिन्न विकास परियोजनाहरूलाई कार्यान्वयन गर्ने जिम्मेवारी उनकै हात रहनेछ ।
गढीमाई नगरपालिका ः
अनुभवी, मिलनसार र बहुप्रतिभाशाली नागेन्द्र यादवलाई आर्थिक तथा प्रशासनीक कार्यहरू सञ्चालन गर्ने प्रमुख अधिकृतको रुपमा नियुक्त गरिएको छ। उनको अनुभव र नविन सोचले गढीमाई नगरपालिकामा दिगो विकास र समुचित प्रशासनिक सुधार ल्याउने अपेक्षा गरिएको छ।
सरकारको दृष्टिकोण र आगामी योजनाहरू
संघीय मामिला मन्त्रालयका अधिकृतहरूले भने, “स्थानीय तहमा दक्षता र पारदर्शिताको सुनिश्चितता गर्न योग्य तथा कर्मठ व्यक्तित्वहरूलाई अग्रस्थानमा राखिएको छ। यी नियुक्तिले स्थानीय तहको प्रशासनिक संरचनालाई मजबुत बनाउँदै विकास कार्यलाई थप द्रुत गतिमा अघि बढाउने महत्वपूर्ण भूमिका खेल्नेछन्।” नियुक्ति सँगसँगै स्थानीय तहहरूमा बजेट व्यवस्थापन, विकास परियोजनाहरूको अनुगमन, पूर्वाधार विकास र जनसेवामा सुधारका लागि विस्तृत योजना तयार पारिने भएको छ। नयाँ नियुक्तिहरूले स्थानीय नागरिकसँगको नजिकको समन्वय र सहभागितालाई बढावा दिँदै दिगो विकासमा टेवा पुर्याउने अपेक्षा
गरिएको छ।
स्थानीय स्तरको सकारात्मक परिवर्तनको संकेत रौतहटका यी चार जना सपूतहरूले आफ्नो दक्षता र लगनशीलताको प्रमाण प्रस्तुत गर्दै नाम उजागर गरेका छन्। उनीहरूको नियुक्तिले स्थानीय तहमा प्रशासनिक सुधार र प्रभावकारी कार्यसम्पादनको नयाँ अध्याय खोल्ने विश्वासका साथ, विभिन्न स्तरका सरोकारवालाहरूमा सकारात्मक प्रत्याभूति प्राप्त भएको छ। यस कदमले संघीय मामिला मन्त्रालयको स्थानीय तहमा जनसेवा र आर्थिक विकासलाई थप प्रवद्र्धन गर्ने नीतिको स्पष्ट परिचय हो र आगामी दिनमा यी चयनित नेताहरूले रौतहट जिल्लालाई समृद्धि र प्रगतितर्फ लैजान महत्वपूर्ण योगदान पु¥याउने आशा गरिएको छ।