प्रतिबन्धको विरोधमा उत्रिए प्रदर्शनकारी, ५०० बढी पक्राउ

काठमाडौं, २९ चैत। लन्डनको केन्द्रमा आयोजित प्यालेस्टाइन एक्सन माथिको प्रतिबन्ध विरुद्धको प्रदर्शनका क्रममा ५०० भन्दा बढी मानिस पक्राउ परेका छन् । मेट्रोपोलिटन प्रहरीका अनुसार प्रतिबन्धित सङ्गठनप्रति समर्थन जनाएको आरोपमा १८ देखि ८७ वर्ष उमेर समूहका व्यक्तिहरूलाई पक्राउ गरिएको हो ।

ट्राफल्गर स्क्वायरमा सयौँ प्रदर्शनकारीहरू भेला भएका थिए, जसमा धेरैले ‘म नरसंहारको विरोध गर्छु । म प्यालेस्टाइनी कदमलाई समर्थन गर्छु’ लेखिएका प्लेकार्ड बोकेका थिए । शनिबारको एभ्रिडे नाम दिइएको प्रदर्शन डिफेन्ड आवर ज्युरिजले आयोजना गरेको थियो । आयोजकले यसलाई प्रतिबन्ध विरुद्धको ‘निरन्तर प्रतिरोध’ को प्रदर्शन भएको बताएका छन् ।

प्रदर्शनमा केही सहभागीहरूले अमेरिका र इजरायलविरुद्ध नाराबाजी गर्दै विरोध जनाएका थिए भने केहीले अभिव्यक्ति स्वतन्त्रताको पक्षमा आवाज उठाएका थिए । सन् २०२५ जुलाईदेखि प्यालेस्टाइन एक्सनलाई आतंकवादसम्बन्धी कानुनअन्तर्गत प्रतिबन्ध लगाइएको थियो । फेब्रुअरीमा अदालतले उक्त प्रतिबन्ध गैरकानुनी ठहर गरे पनि अपिल प्रक्रियाका कारण हालसम्म लागू नै रहेको छ ।

यसअघि प्रहरीले प्रदर्शनकारीहरूलाई पक्राउ नगर्ने संकेत दिएको भए पनि मार्चदेखि पुनः पक्राउ प्रक्रिया सुरु गरिएको थियो । प्रदर्शन अघि प्रहरीले कानुनी कारबाही हुन सक्ने चेतावनीसमेत दिएको थियो ।